Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XIV.
1 And the Lord spak to Moyses, seiynge,
This is the rijt of the leprows,
2 whanne
he is to be maad clene. He shal be brou&yogh;t
to the preest,
3 the which goon out of the
tentis, whanne he fyndith that the lepre
is clensid,
4 he shal comaunde to hym that
is purified, that he offre for hym silf two
quyk sparowes, whom it is leeful to eet,
and cedre tree, and `flawm reed silk, and
ysope.
5 And oon of the sparows he shal
comaunde to be offred in a britil vessel,
vpon quyk watris;
6 that other forsothe
quyk, with cedre tree, and `reed silk,
and ysope, he shal weete in the blood of
-- --
the sparowe that is offred,
7 with the which
he shal sprenge hym that is to be clensid
seuene sithes, that thur&yogh; ri&yogh;t he be purgid;
and he shal late goo the quyk sparowe,
that she flee awei into the feelde.
8 And
whanne the man hath wasshide his clothes,
he shal shaue alle the heeres of the bodi,
and he shal be wasshe with water, and
purified he shal goo into the tentis; so
oonli that he dwelle out of his tabernacle
seuen daies;
9 and the seuenthe day that
he shaue the heeris of the heed, and
beerde, and browes, and the heeres of al
the body. And eftsones the clothes and the
body wasshid,
10 the ei&yogh;t day he shal take
two lombes with outen wemme, and a
sheep of o &yogh;eer with outen wemme, and
thre dymes of tried floure, into sacrifice,
that be spreynt with oyle, and bisides a
sextarie of oyle.
11 And whanne the preest,
puryfiynge the man, ordeyneth hym and
alle thes thingis before the Lord, in the
dore of the tabernacle of witnessyng,
12 and
he shal take a lombe, and offre it for
trespas, and a sextarye of oyle; and alle
thingis offred before the Lord,
13 he shal
offre a lombe, where is wont to be offred
the oost for synne and the brent sacrifice,
that is, in holy place; forsothe as for
synne so for trespas to the preest perteyneth
the oost; holi of halowes it is.
14 And the preest takynge of the blood of
the oost that is offrid for trespas, he shal
putte vpon the ende of his ri&yogh;t ere that is
clensid, and vpon the thoumbes of the
ri&yogh;t hoond and foot.
15 And of the sextarie
of oyle he shall putte in his left hoond,
and he shal wete the ri&yogh;t fyngre in it,
16
and he shal sprenge before the Lord seuen
sithes.
17 That forsothe of the oile
that is laft in the left hoond, he shal
heelde vpon the eende of his ri&yogh;t eere that
-- --
is clansid, and vpon the thoumbes of
hoonde and of ri&yogh;t foot, and vpon the
blood that is shed for trespas,
18 and vpon
his heed.
19 And he shal preye for hym
before the Lord, and he shal doo sacrifice
for synne; thanne he shal offre brent
sacrifice,
20 and putte it in the auter with
his offryng of licours, and the man lawfullich
shal be clensid.
21 That if he is a
pore man, and his hoonde may not fynde
that ben seyde, he shal take for the trespas
a lombe to the offryng, that the preest
preye for hym, and the tenthe part of
tried flour spreynt with oyle, into sacrifice,
and a sextarie of oyle,
22 and two turturs,
and two culuer bryddis, of whom
the oon be for synne, and the other into
brent sacrifice;
23 and he shal offre hem
the ei&yogh;t day of his purifiyng to the preest,
at the dore of the tabernacle of witnessyng,
before the Lord.
24 The which takynge
a lombe for trespas, and a sextarie of oile,
shal rere togidris;
25 and the lombe offryd,
of the blood of it he shal putte vpon the
eende of the ri&yogh;t eere of hym that is
clensid, and vpon the thoumbes of his
hoonde and of the ry&yogh;t foote.
26 Of the
oyle forsothe a part putte he into his left
hoonde,
27 in the which wetynge the fyngre
of the ri&yogh;t hoonde, sprenge he seuen
sithes a&yogh;ens the Lord;
28 and weet he the
eende of the ry&yogh;t eere of hym that is
clensid, and the thoumbes of the hoonde,
and of the ri&yogh;t foot, in the place of the
blood that is shed out for trespas.
29 The
laft forsothe part of the oyle that is in
the lefte hoonde, putte he vpon the heed
of the purified, that he plese the Lord for
hym.
30 And a turtre, or a culuer bryd, he
shal offre,
31 oon for trespas, and another
into brent sacrifice, with her offrid licours.
32 That is the sacrifice of the leprows, that
-- --
may not haue alle thingis in the clensyng
of hym.
33 And the Lord spak to Moyses
and Aaron,
34 seiynge, Whanne &yogh;e weren
goon into the loonde of Chanaan, that Y
shal &yogh;yue to &yogh;ow into possessyoun, if there
were a plaage of lepre in howsis,
35 whos is
the hows shal goon tellynge to the preest,
and seie, As a plage of lepre it is seen
to me to be in myn hows.
36 And he shal
comaunde, that alle thingis be born out
of the hows or he goo into it, and be
seen whether it be a lepre, lest alle
thinges that ben in the hows ben maad
vnclene; and afterward he shal goon yn,
that he behoolde the lepre of the hows.
37 And whanne he seeth in the walles of it
as litil valeys defourmed with paalnes, or
with reednes, and lower than that other
vttermore partie,
38 he shal goo out of the
dore of the hows, and anoon he shal close
it seuen dayes.
39 And the seuenthe day
turned a&yogh;en he shal beholde it; and if he
fynde that the lepre hath waxen,
40 he shal
comaunde the stonus, in the whiche is
the lepre, to be drawe out, and hem to
be throwe `a ferre out of the cyte, in an
vnclene place;
41 that forsothe hows to be
parid with ynforth bi enuyroun, and the
powdre of the paryng to be spreynt out
of the citee,
42 in an vnclene place, and
other stonus to be put a&yogh;ens for hem that
were takun a wey, and with other cley the
hows to be dawbid.
43 If forsothe after that
the stonus ben drawen out, and the powdre
born out, and with other erthe dawbid,
44 and the preest goon yn se the lepre
turned a&yogh;en, and the walles a&yogh;en spreynt
with spottis, it is a stedfast lepre, and
the hows vnclene;
45 the whiche anoon thei
schulen distruy; and the stonus of it, and
trees, and al the powdre thei shulen
throwe afer out of the wallid town, in an
vnclene place.
46 Who goth into the hows,
whanne it is closid, shal be vnclene vnto
-- --
the euen,
47 and who slepith in it, and
etith eny thing, shal wasshe his clothes.
48 That if the preest goynge in se that the
lepre hath not waxen in the hows, after
that it is newe dawbid, he shal purifie it,
helthe &yogh;oldun a&yogh;en.
49 In the purifiynge of
it he shal take two sparows, and the cedre
tree, and `fier reed silk, and ysop.
50 And that oon sparow offred in a britil
vessel,
51 vpon quik watris, he shal take the
cedre tree, and ysop, and `fier reed silk,
and a quyk sparow, and he shal weete
alle thingis in the blood of the offrid sparow,
and in quyk watres; and he shal
sprenge the hows seuen sithes;
52 and he
shal purifie it, as wel in the blood of a
sparow as in quyk watrys, and in the
quyk sparow, and in the cedre tree, and
ysop, and `fier reed silk.
53 And whanne
he hath late the sparow freliche flee awey
in the feelde, he shal preye for the hows,
and thur&yogh; ry&yogh;t it shal be maad clene.
54 This
is the lawe of al lepre,
55 and hurtynge, and
of lepre of clothes,
56 and howsis, and of fel
wounde, and of bleynes brekynge out,
and of wemme li&yogh;tynge, and in dyuerse
spices the colours chaungid,
57 that it may
be knowe what tyme eny thing be clene,
or vnclene.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
