Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. VI.
1 Heere &yogh;e whiche thingis the Lord
spekith. Ryse thou, stryue thou by dome
a&yogh;einus mounteyns, and litil hillis heere
thi voice.
2 Mounteyns heere the dom of
the Lord, and the strenger foundementis
of erthe; for the dom of the Lord with
his peple, and with Yrael he shal be
-- --
wysely demed.
3 My peple, what haue Y
don to thee, or what was Y greuous to
thee?
4 Answere thou to me. For Y ledde
thee out of the lond of Egypt, and of the
hous of seruage Y delyuerde thee; and
Y sente byfore thi face Moyses, and
Aaron, and Marie.
5 My peple, bythenke,
Y preye, what Balaac, kyng of Moab,
thou&yogh;te, and what Balaam, sone of Beor,
of Sethym, answeride to hym vn to Galgala,
that thou shuldist knowe the ri&yogh;twisnesse
of the Lord.
6 What worthi thing
shal Y offre to the Lord? shal Y bowe
the knee to the hee&yogh; God? Wher Y shal
offre to hym brent sacrifices, and calues
of oo &yogh;eer?
7 Wher God may be plesid in
thousandis of wetheris, or in many thousandus
of fatt goot buckis? Wher Y shal
&yogh;eue my first bygoten for my grete trespas,
the fruyte of my wombe for synne
of my soule?
8 Y shal shewe to thee,
thou man, what is good, and what the
Lord axith of thee; forsothe for to do
dom, and for to loue mercy, and bysi for
to walke with thi God.
9 The voice of
the Lord crieth to the citee, and helthe
shal be to alle men dreedinge thi name.
Heere, &yogh;e lynagis; and who shal aproue it?
10 &YOGH;it fijr in the hous of the vnpitous man,
the tresours of wickidnesse, and a lasse
mesure ful of wrath.
11 Wher Y shal iustifie
the wickid balaunce, and the gijlful
wei&yogh;tis of litil sac,
12 in whiche riche
men therof ben fulfillid with wickidnesse?
And men dwellynge theryn spaken lesyng,
and the tunge of hem gijleful in the
mouth of hem.
13 And Y therfore bygan
for to smyte thee, in perdicioun on thin
synnys.
14 Thou shalt ete, and shalt not
be fulfillid, and thi meekyng in the mydil
of thee; and thou shalt take to, and
shalt not saue; and whom thou shalt
saaue, Y shal &yogh;eue in to swerd.
15 Thou
shalt sowe, and shalt not repe; thou
shalt trede the olyue, and shalt not be
anoyntid with oyle; and must, and shalt
-- --
not drynke wijne.
16 And thou keptist the
heestis of Amry, and al the werke of the
hous of Achab, and hast walkide in the
voluptees, or lustis, of hem, that Y shulde
&yogh;eue thee in to perdicioun, and men
dwellynge in it in to hissyng, or scornyng,
and thou shalt bere the shenship of
my peple.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
