Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. IV.
1 And it shal be, in the last of days
the hill of the hous of the Lord shal be
maad redy in the top of hillis, and hee&yogh;
ouer smale hillis. And peplis shuln fleete
to hym,
2 and many folkis shuln hasten,
and shuln saye, Cum &yogh;e, stye we to the
hill of the Lord, and to the hous of God
of Jacob; and he shal teche vs of his
wayes, and we shuln go in his pathes.
For of Syon the lawe shal go out, and
the word of the Lord of Jerusalem;
3 and
he shal deme bitwixe manye peplis, and
shal chastyse strong folkis vnto in to fer.
And thei shuln bete to gydre her swerdis
in to shaaris, and her speris in to pycoysis;
a folk shal not take swerd a&yogh;einus
folk, and thei shuln namore lerne for to
fi&yogh;te.
4 And a man shal sitte vndir his
vyne &yogh;erd, and vnder his fijge tree; and
ther shal not be that shal fere, for the
mouth of the Lord of hoostis spak.
5 For
alle peplis shuln go, eche man in name of
the Lord her God; forsoth we schulen
walke in the name of the Lord oure God
into with outen ende, and ouer.
6 In that
day, seith the Lord, I schal gedere the
haltinge, and hir that I castide awey Y
shal gedre, and whom Y tourmentide Y
shal coumforte.
7 And Y shal putte the
haltynge in to relikis, and hir that traueilide,
in to a stronge folk. And the
Lord shal regne on hem in the hill of
Syon, fro this now and till in to the
world.
8 And thou, cloudy, or derk, tour
of folk of the dou&yogh;ter of Syon, vn to thee
he shal cume, and the first power shal
cume, the rewme of the dou&yogh;ter of Jerusalem.
9 Now whi art thou with mournyng
drawen to gydre? wher a kyng is
not to thee, or thi counseilour perishide?
for sorewe hath cachid thee, as a womman
berynge chijld.
10 Thou dou&yogh;ter of
Syon, make sorewe, and tyse, or do
-- --
ynew&yogh;, as a womman berynge chijld; for
now thou shalt go out of the cyte, and
thou shalt dwelle in cuntre, and thou
shalt cum vn to Babiloyne; there thou
shalt be delyuered, there the Lord shal
a&yogh;ein bye thee, of the hond of thin enmyes.
11 And now many folkis ben gadrid
on thee, whiche sayen, Be it stoonyd,
and biholde our ee&yogh;e in to Syon.
12 Forsothe
thei knewen not the thou&yogh;tis of
the Lord, and vndirstoden not the counseil
of hym, for he gadride hem as hay
of the feeld.
13 Ryse thou, and threshe,
dou&yogh;ter of Syon, for Y shal putte thin
horn of yren, and Y shal putte thi naylis
brasen; and thou shalt waste many peplis,
and shalt slea to the Lord the raueyns
of hem, and the strengthe of hem
to the Lord of al erthe.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
