Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XXXVIII.
1 And he made the auter of brent sacrifyce
of the trees of Sichym, of fyue cubitis
bi square, and of three in hei&yogh;t;
whose hornes &yogh;eden out of the corners;
2
and he couerde it with brasun plates.
3 And he greithide into the vses of it dyuerse
vessels of brasse, cawdrowns, toonges,
fleshhokes, hokes, and fier pannes.
4 And
the gredyrne of it in manere of a nett he
made brasun, and vnder it in myddil of
the auter a `fier panne.
5 Foure ryngis
&yogh;otun, be so feele hei&yogh;tes of the netwise
gredyrne, to the berynge staues to be put
yn, for to bere;
6 the whiche and hem he
made of the trees of Sichym, and he couerde
with brasun plates.
7 And he ladde
yn cercles, the whiche `stoden ouer in
the sides of the auteer. And thilk auter
was not massye, but holw&yogh; of tabled
thingis, and with ynne voyde.
8 And he
made a brasun lauatorye, with his foot,
of the shewers of wymmen, the whiche
wacchiden in the porche of the tabernacle.
9 And the porche, in whos sowthe
coost weren the tentis of bijs folden a&yogh;en
of an hundrid cubites,
10 twenti brasun pilers
with her feet, the heedes of the pilers
and al the grauyng of the werk siluer;
euen at the north coost the tentis,
11 pilers,
and feet, and the heedes of pilers weren
of the same mesure and of werk and of
metal.
12 In that forsothe coost the which
-- --
biholdeth the west, weren tentis of fifti
cubites, ten pilers with her feet brasun,
and the heedes of the pilers, and al the
grauyng of the werk, silueren.
13 Forsothe
14 a&yogh;en the est he greithide tentis of fifti
cubites, of the whiche o side helde fiftene
cubites of three pilers with his feet;
15 and
in `that other party, for bitwix either he
made the entre of the tabernacle, weren
the tentis euen of fiftene cubites, thre
pilers, and so feele feete.
16 Alle the tentis
of the porche bijs folden a&yogh;en hadde couerde.
17 The feet of the pilers weren brasun,
the heedes forsothe of hem with alle
her grauyngis silueren; but and thilk
pilers of the porche he clothide with siluer.
18 And in the entre of it he made a
tent with nedle werk, of iacynct, and
purpur, and reed clooth, and of bijs folden
a&yogh;en, the whiche hadde twenti cubites in
lengthe, the hei&yogh;t forsothe was of fyue
cubitis, aftir the mesure that alle the
tentis of the porche hadden.
19 The pilers
forsothe in the comyng ynne weren
foure, with brasun feete, and the heedes
of hem, and the grauynges silueren;
20 the
litil stakis forsothe of the tabernacle and
of the porche by enuyroun he made brasun.
21 Thes ben the instrumentis of the
tabernacle of witnessyng, that ben noumbred
out after the heestis of Moyses in
the serymonyes of Leuytis, by the hoond
of Ythamer, sone of Aaron, preest.
22 The
whiche thingis Beseleel, the sone of Hury,
the sone of Hur, of the lynage of Juda,
the Lord bi Moyses comaundynge, hadde
fulfillid;
23 ioyned to hym a felawe, Ooliab,
the sone of Achisamech, of the lynage of
Dan, the which and he was a noble crafti
man of trees, and a browdrer, and a
worcher with nedlis, of iacynct, and purpur,
`reed clooth, and bijs.
24 Al the gold
-- --
that was spendid in the werk of the seyntuarye,
and that was offerd in &yogh;iftis, was
of twenti and nyne talentis, and of seuen
hundrid and thretti siclis, at the mesure
of the seyntuarie.
25 There was forsothe
offerd of hem that camen to the noumbre,
fro twenti &yogh;eer and aboue, of six hundrid
thre thowsynd and of fyue hundrid and
fifti men of aarmes.
26 There weren forthermore
an hundryd talentes of siluer,
of the which ben &yogh;otun the footstakis of
the seyntuarye, and of the entre, where
the veyle hongith;
27 an hundred footstakis
ben maad of an hundrid talentes, eche talentis
countid bi eche footstakis.
28 Of a
thowsynd forsothe and seuen hundrid
and seuenti and fyue sicles he made the
heedes of the pilers, the whiche and hem
he clothide with siluer.
29 Of brasse forsothe
there weren offred talentis seuenti
and two thowsynd, and foure hundrid
ouermore sicles.
30 Of the whiche ben
&yogh;oten footstakis in the entre of the tabernacle
of witnessyng, and a brasun auter
with his fier panne, and alle the vessels
that perteyneden to the vse of it,
31 and the
footstakis of the porche, as wel in the
enuyroun as in the comyng yn of it, and
litle stakis of the tabernacle, and of the
porche al aboute.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
