Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XXXI.
1 And the Lord spak to Moyses, seiynge,
Loo!
2 I haue clepid Beseleel bi name, the
sone of Hury, sone of Hur, of the lynage
of Juda;
3 and Y haue fulfillid hym with
the spiryt of God, with wisdom, and vnderstondyng,
and kunnyng in al werk,
4 to
caste what euer thing may be forgid of
gold,
5 and of siluer, and of brasse, marble,
and gemmes, and dyuerste of trees.
6 And
Y haue &yogh;euen to hym a felaw, Ooliab, the
sone of Achisamech, of the lynage of Dan;
and in the herte of eche taw&yogh;t I haue
putte wisdomes, that thei maken alle
thingis that I haue comaundide to thee;
the tabernacle of the boond of pees,
7 and
the arke of witnessyng, and the propiciatorye
that is vpon it, and alle the vessels
of the tabernacle;
8 and the meet bord,
and the vessels of it, the moost puyr candelstik
with his vessels, and the auteers
of the maad ensence,
9 and of the al brent
sacrifice, and alle the vessels of hem; the
lauatorie with his foot;
10 the holi clothes
in the seruyis to Aaron the preest, and
to the sones of hym, that thei vsen hyr
office in sacrid thingis;
11 the oyle of
anoynting, and the maad ensence of
swete smellynge thingis in the seyntuarye;
alle thingis that I haue comaundide
to thee, thei shulen make.
12 And the Lord
spak to Moyses,
13 seiynge, Spek to the
-- --
sones of Yrael, and thow shalt seie to
hem, Looketh that &yogh;e kepen myn holy
day, for it is a tokne bitwix me and &yogh;ow
in &yogh;oure generaciouns; that &yogh;e witen for
Y a Lord, that halowith &yogh;ow.
14 Kepith
myn holi day, holi forsothe it is to &yogh;ow;
who so poluteth it, with deth dye he;
who so doth in it werk, shal perishe the
lijf of hym fro the myddil of his puple.
15 Six dayes &yogh;e shulen do werk; in the seuenthe
day is holy day, the holi reste to
the Lord; eche that doth werk in that
day shal dye.
16 The sones of Yrael kepe
thei the holy day, and halowe thei it in
her generaciouns; a couenaunt it is euer
17 durynge bitwix me and the sones of
Yrael, and a perpetuel tokyn; six forsothe
dayes God made heuene and erthe,
and in the seuenthe day fro the werk he
ceside.
18 And the Lord &yogh;af to Moyses fulfillid
thes maner wordes, in the mownt
of Synay, two stonen tablis of witnessyng,
writun with the fyngre of God.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
