Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XXII.
1 If eny man hath stoln sheep, or oxe,
and sleeth, or sellith, fyue oxen for oon
oxe he shal restore, and foure sheep for
o sheep.
2 If a theef brekynge an hows,
or were foundun vndurmynynge, and with
a wounde takun were deed, the smyter
-- --
shal not be gilti of the blood;
3 and if the
sunne sprongne he do that, he hath doon
manslau&yogh;ter, and he shal die. And if he
haue not to &yogh;elde for the thefte, he shal
be soold;
4 and if there be founde anentis
hym lyuynge that that he hath stoln,
either oxe, or asse, or sheep, the dowble
he shal restore.
5 If eny man harme feeld,
or vyn&yogh;eerd, and leeue his beeste, that it
waste other mennus thingis, what euer
best thing he hath in his feeld, or vyn&yogh;eerd,
he shal restore for estymacioun of
the harm.
6 If fyer goon out fynde eeres,
and cacche the rekes of corn, or the corn
stondynge in feeldis, he shal &yogh;eeld the
harm that tyndeth the fier.
7 If eny man
leene money to a freend, or vessel into
kepyng, and fro hym that tok thei weren
takun awey bi theft, if the theef be
foundun, he shal &yogh;eeld the dowble.
8 And
if the theef is vnknowun, the lord of the
hows shal be presentid to the goddis,
and he shall sweer, that he strau&yogh;te not
hoond into the thing of his nei&yogh;bore,
9 for
to be don gijl; as wel in oxe, and in
asse, and sheep, and clothing; and what
euer of harm he maye brynge yn, to
the goddis the cause of either shal com,
and if thei demen, he shal &yogh;eeld the
dowble to his nei&yogh;bour.
10 If eny leene to
his nei&yogh;bore oxe, asse, sheep, and al beeste
to kepynge, and it were deed, or feblishid,
or takun of enemyes, and no man se it,
11 there shal be the lawe of ooth in the
mydle, that he strau&yogh;te not out the hoond
to the thing of his nei&yogh;bore; and the lord
shal tak the ooth, and he shal not be
constreyned to &yogh;eeld a&yogh;en.
12 That if thru&yogh;
theft it were takun awey, he shal restore
the harm to the lord;
13 and if it be etun
-- --
of a beeste, brynge he forthe to hym that
that is slayn, and he shal not restore.
14 Who of his nei&yogh;bore eny thing of thes
askith to borwe, and it were enfeblished,
or deed, the lord not present, he shal be
compellid to &yogh;eeld;
15 and if the lord were
present, he shal not restore, moost if the
hirid was soold, for mede of his werk.
16 And if eny man bere down a mayden not
&yogh;it spowsid, and he sleep with hir, he
shal dowe hir, and he shal haue hir to
wijf.
17 And if the fader of the mayden
wole not &yogh;yue, he shal &yogh;eeld the money,
after the maner of dowyng, that maydens
weren wont to tak.
18 Clepers of deuels
thow shalt not suffre to lyue.
19 What man
so gothe togidere with a beeste, with
deeth die he.
20 Who offreth to goddis, but
to the Lord oonly, be he slayne.
21 A comlyng
thow shalt not mak sory, ne turment
hym; forsothe comlyngis and &yogh;oure
seluen weren in the loond of Egipte.
22 To
the wydowe and the faderles child thow
shalt not anoye.
23 If thow harmest hem,
thei shulen crye to me, and Y shal here
the crve of hem,
24 and my woodnes shal
dedeyn, and Y shal smyte &yogh;ow with
swerd, and &yogh;oure wyues shulen be wydewes,
and &yogh;oure sones faderles.
25 And if
thow leenyst money to my pore faderles
child, that dwellith with thee, thow shalt
not constreyn hym, as a fraward asker,
ne thow shalt not oppresse him with
vsurys.
26 If thow takist of thi nei&yogh;bore a
clooth wed, before the goynge down of
the sunne thow shalt &yogh;eeld it to hym;
27 that is forsothe al oonli thur&yogh; which is
couerid the clothing of his flesh, ne he
hath noon other, in the which he sleep;
if he crye to me, Y shal here hym; for
Y am mercyable.
28 To the goddis thow
shalt not bacbite, and to the prince of
-- --
thi puple thow shalt not curse.
29 Thy
dymes and fyrst fruytis thow shalt not
tarye to offre. The first gotun of thi
sones thow shalt &yogh;yue to me;
30 of oxen
forsothe, and sheep thow shalt doon
lijk maner; seuen dayes be he with his
moder, and the ei&yogh;tith day thow shalt
&yogh;eeld hym to me.
31 &YOGH;e shulen be holy men
to me; the flesh that were before tastid
of beestis &yogh;e shulen not eete, but &yogh;e shulen
caste it to doggis.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
