Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XXI.
1 Thes ben the domes, that thow shalt
purpose to hem.
2 If thow bye an Ebrew
seruaunt, sixe &yogh;eer serue he to thee, in
the seuenthe &yogh;eer he shal goo out fre,
freliche;
3 with what maner clothing he
com yn, with siche he go out; and if he
is hauynge a wijf, and the wijf goo out
at ones.
4 If forsothe the lord &yogh;yue to hym
a wijf, and she ber sones and dow&yogh;tris,
the womman and the fre children of hir
shulen be of his lord; he forsothe shal
goo out with his clothing.
5 That if the
seruaunt seie, Y loue my lord, and wijf,
and fre children, I shal not goon out fre;
the lord offre hym to the goddis,
6 and he
shal be presentid to the dore, and postes;
and he shal thril his eer with an alle,
and he shal be to hym a seruaunt into
the world.
7 If eny sille his dow&yogh;ter into
a seruaunt, she shal not goo out as handmaydens
weren wont to goon out;
8 if she
displese in the eyen of hir lord, to whom
she was takun, he shal leeue hir; forsothe
to an alyen puple he shal not haue
power of sillyug, if he leeue hir.
9 If forsothe
he spouse hir to his sone, after the
maner of dow&yogh;tres he shal do to hir;
and if he tak another womman to hym,
10
he shal puruey to the mayden bridalis
and clothes, and the pryse of the clennes
he shal not denye.
11 If thes thre thingis
he do not, she shal goon out frelich with
outen money.
12 Who smytith a man, wilnynge
to slee, with deeth die he;
13 who
forsothe is not aweytid, but God hath
takun hym into his hondes, Y shal ordeyne
to thee a place whidyr hym awe
to flee.
14 If eny man of avysement sle his
nei&yogh;bour and by aspyes, fro myn auteer
-- --
thow shalt pul hym, that he be slayn.
15 Who smytith his fader, or moder, with
deeth dye he.
16 Who cursith his fader,
or moder, be he deed.
17 Who stelith a
man, and sellith hym, conuycte of the
trespas, with deeth dye he.
18 If men chiden,
and `that oon smyte his nei&yogh;bour with
stoon, or with fist, and he be not deed,
but lye in the bed,
19 if he aryse and goo
out vpon his staf, he shal be ynnocent
that smoot; so neuertheles that he restore
the bisy traueils of hym, and the
expensis into leches.
20 Who so smyteth
his seruaunt, or handmayden, with a
&yogh;erde, and thei dien in her hondes, he
shal be gilti of deedly blame.
21 If forsothe
he lyue ouer a day, or two, he shal not
be vndurcast to that peyne, for the money
of hym he is.
22 If men chiden, and a man
smyte a womman with child, and make
forsothe the child deed born, but she
lyueth, he shal be vndurcast to the harme,
as myche as the housbond of the womman
wole aske, and domes men shulen
deme.
23 If forsothe hir deeth folwe, he
shal &yogh;eld lijf for lijf,
24 eye for eye, tooth
for tooth, hoond for hoond, foot for foot,
brynnyng for brynnyng,
25 wounde for
wounde, blones for blones.
26 If eny man
smyte the eye of his seruaunt, or of hondmayden,
and make hem `pure blynde, he
shal leeue hem free for the eye that he
hath drawun out.
27 A tooth forsothe if
eny man smyte out to his seruaunt, or
to his handmayden, liyk maner he shal
leeue hem free.
28 If an oxe with the horn
smyte a man, or a womman, and thei
weren deed, he shal be throwun doun to
deeth with stones, and his flesh shal not
be etun, and the lord shal be innocent of
-- --
the oxe.
29 And if an oxe be an hornputter
fro &yogh;isterday and the thridde day hens,
and thei han warned the lord of hym,
befor witnes, and the lord hath not
holdun hym yn, and he slee a man, or
womman, the oxe shal be throw doun
to the deeth with stones, and the lord
of it thei shulen slee;
30 and if pryis be set
to hym, he shal &yogh;yue for his lijf what
euer be askid.
31 The sone forsothe and
the dou&yogh;ter if it smyte with horn, to
the lijk sentence he shal vnderligge.
32 If
seruaunt and hondmayden it aseyl, thretti
ownces of siluer he shal &yogh;yue to his lord;
the oxe forsothe shal be throwun down
with stoons.
33 If eny man open a cystern,
and delue, and not couerith it, and oxe
or asse fal into it,
34 the lord of the cistern
shal &yogh;eeld the prijs of the beestis, and
that that is deed shal be his.
35 If an alyen
oxe wounde an oxe of another mannus,
and he were deed, the quyk oxe thei
shulen selle, and thei shulen dyuyde the
prijs; the careyn forsothe of the deed
thei shulen depart bitwix hem.
36 If forsothe
he wiste, that the oxe was an hornputter
fro &yogh;isterday and fro the thridde
day hens, and his lord kepide hym not,
he shal &yogh;eeld oxe for oxe, and the hool
careyn he shal al take.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|