Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XVII.
1 Thanne goon forth al the multitude of
the sones of Yrael fro the desert of Syn,
bi her mansiouns, after the word of the
Lord, `setten tentis into Raphidym,
where was not water to the puple for
to drynke.
2 The which ianglynge a&yogh;ens
Moyses, seith, &YOGH;if to vs water, that we
drynken. To whom answerde Moyses,
What iangle &yogh;e a&yogh;ens me, whi tempte &yogh;e
the Lord?
3 The puple thanne thristide
there, for meschef of water, and it
grucchide a&yogh;en Moyses, seiynge, Whi hast
thow maad vs to goo out of Egipte, that
thow my&yogh;te slee vs, and oure fre children,
and beestes, thur&yogh; thrist?
4 Moyses
forsothe criede to the Lord, seiynge,
What shal Y do to this puple? &yogh;it a litil
while, and it shal stonen me.
5 The Lord
seide to Moyses, Goo before the puple,
and tak with thee of the aldren of Yrael,
and the &yogh;erde, with the which thow smoot
the floode tak in thin hoond, and goo;
loo!
6 Y shal stoond before thee there, vpon
the stoon of Oreb, and thow shalt smyte
the stoon, and there shal goon out of it
water, that the puple drynk. Moyses
dide so beforn the eldren men of Yrael;
7 and he clepide the name of that place
Temptynge, for the ianglyng of the sones
of Yrael, and for thei temptiden the Lord,
seiynge, Whether is God in vs, or noon?
8 Forsothe Amalech cam, and fau&yogh;te a&yogh;en
Yrael in Raphidym.
9 And Moyses seide
to Josue, Chees men, and thow goon out,
-- --
fi&yogh;t a&yogh;ens Amalech, to morwen; and Y
shal stoond in the frount of the hil, hauynge
the &yogh;erde of God in myn hoond.
10 Josue dide as Moyses had spokun, and
he fau&yogh;te a&yogh;ens Amalech. Moyses forsothe,
and Aaron, and Hur steiden vp vpon
the cop of the hil;
11 and whanne Moyses
rereden vp the hoondes, Yrael ouercom;
ellis forsothe if he a litil abatide, Amalech
ouercam.
12 Forsothe the hoondes of
Moyses weren heuy; thanne thei, takynge
a stoon, puttiden vnder hym, in the which
he sete. Aaron forsothe and Hur susteyneden
the hoondes of hym, on either
syde; and it was doon, that the hoondes
of hym werieden not, vnto the goyng
down of the sunne.
13 And Josue made
Amalech to flee, and the puple of hym,
in the mouth of the swerd.
14 And the
Lord seide to Moyses, Wryte this in the
book for mynde, and tak in the eeris
of Josue; forsothe Y shal do a wey the
mynde of Amalech vnder heuene.
15 And
Moyses bilde an auter, and clepide the
name of it The Lord myn enhaunsyng,
seiynge,
16 For the hoond of the Lord oonli,
and the batayle of God it was a&yogh;ens Amalech,
fro generacioun into generacioun.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
