Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XIV.
1 And the Lord spak to Moyses, seiynge,
Spek to the sones of Yrael;
2 turned sette
thei tentis `forn a&yogh;ens Phyayroth, that is
bitwix Magdalum and the see, a&yogh;enst Beelsephon;
in his si&yogh;t &yogh;e shulen sett tentis
vpon the see.
3 And Pharao is to sey vpon
the sones of Yrael, Thei ben artid togidere
-- --
in a loond, desert hath enclosid hem.
4 And Y shal harden his herte, and he shal
pursue &yogh;ow, and Y shal `be glorified in
Pharao, and in alle his oostis; and the
Egipciens shulen wyte for Y am a Lord;
and thei diden so.
5 And it is told to the
kyng of Egipciens, that the puple `hadde
flowun; and ful myche chaungid is the
herte of Pharao, and of his seruauntis
vpon the puple, and thei seiden, What
wole we doon, that we leeuen Yrael, lest
it serue not to vs?
6 Thanne he ioynede
the chare, and al his puple he tok with
hym;
7 and he tok six hundryd chosun
charys, and al that of chares was in
Egipte, and the leders of his oost.
8 And
the Lord hardide the herte of Pharao,
the kyng of Egipte, and he pursuede the
sones of Yrael; and thei weren goon out
in a hi&yogh;e hoond.
9 And whanne the Egipciens
pursueden the steppes of the goers
before, thei fonden hem in the tentis
vpon the see; alle the ridynge, and the
chares of Pharao, and al the oost weren
in Phyayroth, a&yogh;ens Beelsephon.
10 And
whanne Pharao was ny&yogh;, the sones of
Yrael, heuynge vp her eyen, seyen the
Egipciens after hem, and thei dradden
greetli; and thei crieden to the Lord,
and seiden to Moyses,
11 Perauenture there
weren not sepulcris in Egipte, therfor
thow tok vs, that we dieden in wildernes?
what woldist thow do this, that
thow woldist lede vs out of Egipte?
12 Was
not this the word that we spaken to thee
in Egipte, seyinge, Goo a wey fro vs, that
we seruen to the Egypcyens? it is forsothe
myche betere to serue to hem, than
to dye in wildernes.
13 And Moyses seide
to the puple, Wole &yogh;e not drede, stondeth,
and seeth the greet wondres of God, that
he is to doon to day; forsothe the Egipciens
that &yogh;e now seen, &yogh;e shulen seen
no more vnto with outen ende;
14 the Lord
-- --
shal fi&yogh;t for &yogh;ow, and &yogh;e shulen hoold
&yogh;oure pees.
15 And the Lord seide to Moyses,
What cryest thow to me? Spek to the
sones of Yrael, that thei goon forth;
16 thow
forsothe arere thin &yogh;erde, and strecche out
thin hoond vpon the see, and dyuyde it,
that the sones of Yrael goon thur&yogh; the
drye, in the myddil see.
17 Y forsothe shal
harden the hertes of the Egipciens, that
thei pursue &yogh;ow, and Y shal be glorified
in Pharao, and in al his oost, and in the
chares, and in the riders;
18 and the Egipciens
shulen wyte that Y am Lord God,
whanne Y shal be glorified in Pharao,
and in chares, and in his ryders.
19 And
the aungel of the Lord, that &yogh;ede before
the castels of Yrael, takynge hym self
&yogh;ede after hem, and with hym togidere
the pilere of the clowde, the forthermore
leeuynge bihynde the bak,
20 stode bitwix
the tentis of Egipciens and the tentis of
Yrael; and there was a derk clowde, and
li&yogh;tynge the ny&yogh;t, so that to hem self togidere
al the tyme of the ny&yogh;t thei my&yogh;ten
not cum ny&yogh;.
21 And whanne Moyses hadde
strau&yogh;t out his hoond vpon the see, the
Lord tok it awey, blowynge an hidous
wynde, and brennynge al ny&yogh;t, and he
turnede it into drow&yogh;t; and the watir
was dyuydid.
22 And the children of Irael
`wenten yn thur&yogh; the myddel of the drye
see; forsothe the water was as a wal at
the ri&yogh;t syde of hem and the lefte.
23 And
the Egipciens pursuynge, &yogh;eden yn after
hem, al the horsyng of Pharao, his chares,
and his ryders, bi the myddil of the see.
24 And now was comun the morwetide, and
loo! the Lord biholdynge vpon the tentes
of the Egypciens, by the pilere of fyer,
and of the clowde, slewe the oost of
hem;
25 and he turnede vpsedown the
wheles of the chares, and thei weren born
into the depthe. Thanne seiden the Egipciens,
-- --
Flee we Yrael; forsothe the Lord
fy&yogh;tith for hem a&yogh;ens us.
26 And the Lord
seith to Moyses, Strecche out thin hoond
vpon the reed see, that the watris turnen
a&yogh;en to Egipciens, vpon the chares, and
the horsmen of hem.
27 And whanne Moyses
hadde strau&yogh;t out the hoond a&yogh;ens the see,
fyrst the morwetide it was turned a&yogh;en
to the rather place; and the Egipciens
fleynge, watres a&yogh;en comen, and the Lord
wrapte hem with ynne in the myddel
floodes.
28 And the watris weren turned
a&yogh;en, and thei couerden the chares, and
the horsmen of al the oost of Pharao,
the whiche folwynge weren goon into
the see; ne oon forsothe overlafte not of
hem.
29 Forsothe the sones of Yrael fulliche
&yogh;eden thur&yogh; the myddil of the drye see,
and the watris weren to hem as for a
wal, fro the ry&yogh;t half and fro the left half.
30 And the Lord delyuerede Israel in that
day fro the hoond of the Egipciens, and
thei seen the Egipciens deed vpon the
brenk of the see,
31 and the greet hoond that
the Lord hauntide a&yogh;ens hem; and the
puple dredde the Lord, and leueden to
the Lord, and to Moyses his seruaunt.
1 Thanne Moyses soong, and the sones of
Israel, this ditee to the Lord; and seiden.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
