Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XI.
1 And the Lord seide to Moyses, &YOGH;it with
o veniaunce Y shal touche Pharao and
Egipte, and aftyr thes thingis he shal
leeue &yogh;ow, and constreyne to goon out.
2 Thanne thow shalt seie to al the puple,
that a man aske of his freend, and a
womman of hir nei&yogh;bore, silueren and
goldun vessels, and clothis;
3 forsothe the
Lord shal &yogh;yue grace to his puple befor
the Egipcyens. And Moyses was a ful
greet man in the loond of Egipte, before
the seruauntis of Pharao and al the puple;
and seith,
4 Thes thingis seith the
Lord, At myd ny&yogh;t Y shal goon yn to
Egipte;
5 and there shulen dye alle the
fyrst gotun in the loond of Egipciens, fro
the first gotun of Pharao, that sittith in
his see, vnto the first gotun of the handmayden,
that is at the queern; and alle
the first gotun of beestis;
6 and there shal
-- --
be a greet crye in al the loond of Egipte,
what maner was not bifore, ne aftirward
is to come.
7 Anentis forsothe alle the
children of Yrael there shal not grucche
a dog, fro man vnto beeste; that &yogh;e
knowen, bi how myche myracle the Lord
dyuydide the Egipciens and Yrael.
8 And
alle thes thi seruauntys shulen descende
to me, and thei shulen preye for me, seyynge,
Go out thow, and al the puple that
is suget to thee; after thes thingis we
shulen goon out.
9 And greetly wrooth he
&yogh;ede out fro Pharao. The Lord forsothe
seyde to Moyses, Pharao shal not here
&yogh;ow, that many signes be doon in the
loond of Egipte.
10 Moyses forsothe and
Aaron diden alle the signes and alle the
toknes worthi shewynge, that ben wrytun,
before Pharao; and the Lord hardide the
herte of Pharao, ne he lafte the sones of
Yrael fro his loond.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
