1   And the names of lynages, fro the eendis of the north, bysidis the waye of Methalon, to men goynge to Emath, the hous of Ennon, terme of Damaske, fro

the north bysidis Emath; and the eest coost the see shal be, to Dan oon. 2   And fro the terme of Dan, fro the eest coost to the coost of the se, to Aser oon. 3   And vpon the terme of Aser, fro the eest coost vn to the coost of the see, to Neptalym oon. 4   And vpon the terme of Neptalym, fro the eest coost vn to the coost of the eest see, to Manasses oon. 5   And vpon the terme of Manasses, fro the eest coost vn to the coost of the see, to Effraym oon. 6   And vpon the terme of Effraym, fro the eest coost vn to the coost of the see, to Ruben oon. 7   And vpon the terme of Ruben, fro the eest coost vn to the coost of the see, to Juda oon. 8   And vpon the terme of Juda, fro the eest plage, or coost, vn to the coost of the see, shuln be primissis, whiche &yogh;e shuln departe in fyue and twenti thousandus &yogh;erdis of breede and lengthe, as eche partis, fro the eest coost vnto the coost of the see; and the sayntuarie shal be in mydil therof. 9   The primissis whiche &yogh;e shuln departe to the Lord, the lengthe in fyue and twenti thousandis, and the breede in ten thousandus. 10   Sotheli these shuln be the primissis of the sayntuarie of prestis; at the north of lengthe fyue and twenti thousandis, and to the see of breede ten thousandis; bot to the eest of breed ten thousandis, and to the south of lengthe fyue and twenti thousandis; and the sayntuarie of the Lord shal be in mydil therof. 11   To prestis the sayntuarie shal be, of the sonys of Sadoch, whiche kepten my cerymonyes, and erriden not, whanne the sones of Yrael erriden, as and the dekenys erriden. 12   And to hem shuln be primissis of primissis of the lond, the holy of holy thingus, bysidis the terme of dekenes. 13   Bot and to dekenys also bysidis the eendis of prestis, fyue and twenti thousandis of lengthe, and of breede ten thousandis; al the lengthe of fyue and

twenti thousandis, and the breede of ten thousandis. 14   And thei shuln not selle therof, nether chaunge; nether the first fruytis of the lond shuln be transferrid, or born ouer, for thei ben halewid to the Lord. 15   Forsothe fyue thousandis, that leuen ouer in breede, by fyue and twenti thousandus, shuln be vnholi places of the citee, into dwellyng, and in to subarbis; and the citee shal be in the mydil therof. 16   And these the mesuris therof; at the north coost, fyue hundrid and foure thousandis, and at the southe plage, or coost, fyue hundred and foure thousandis, and at the eest coost, fyue hundred and foure thousandis, and at the west coost, fyue hundrid and foure thousandis. 17   Forsothe the subarbis of the citee shuln be at the north two hundrid and fifty, and to the south two hundrid and fifti, and at the eest coost two hundrid and fifty, and at the see two hundrid and fifty. 18   Forsothe that that shal be laft, or ouer, in lengthe, after first fruytis of the sayntuarie, ten thousandis in to the eest, and ten thousandus in to the west, shuln be as premissis of the sayntuarie; and the fruytis therof shuln be in to looues to these that seruen to the citee. 19   Forsothe men seruynge to the citee shuln worche, of al the lynages of Yrael. 20   Alle the premisses of fyue and twenti thousandis, by fyue and twenti thousandis in sqware, shuln be departid in to primisses of the sayntuarie, and possession of the citee. 21   Forsothe that that shal be left ouer, shal be of the prince, on eche part of primissis of the sayntuarie, and possessioun of the citee, euen a&yogh;eins fyue and twenti thousandis of primissis, vnto the eest terme; bot and to the see euen a&yogh;einus of fyue and twenti thousandus, vn to the terme of the see, also in partis of the prince shal be; and premissis of the sayntuarie shuln be, and the sayntuarie of temple of the cite, in

mydil therof. 22   Forsothe of the possessioun of dekenys, and of possessioun of the citee, in mydil of partis of the prince, shal be in to terme of Juda, and in to terme of Beniamyn, and shal pertene to the prince. 23   And to the tother lynagis, fro the eest coost vn to the west coost, to Beniamyn oon. 24   And a&yogh;einus the terme of Beniamyn fro the eest coost vn to the west coost, to Symyon oon. 25   And vpon the terme of Symyon, fro the eest coost vn to the west coost, to Ysacar oon. 26   And vpon the terme of Ysacar, fro the eest cost vnto the west coost, to Sabulon oon. 27   And vpon the terme of Sabulon, fro the eest coost vnto the cost of the see, to Gad oon. 28   And vpon the terme of Gad, vn to the coost of the south in to mydday, or southe; and the eend shal be fro Thamar vn to the waters of a&yogh;ein sayinge of Cades, and the eritage a&yogh;ein the grete see. 29   This is the lond whiche &yogh;e shuln sende in to lot to the lynagis of Yrael, and these the partyngis of hem, saith the Lord God. 30   And these the goyngus out of the cytee; fro the north coost thou shalt mesure fyue hundrid and foure thousandis. 31   And the &yogh;atis of the citee, in alle the lynagis of Yrael, three &yogh;atis fro the north; the &yogh;ate of Ruben oon, the &yogh;ate of Juda oon, the &yogh;ate of Leuy oon. 32   And at the eest coost, fyue hundrid and foure thousandis, and three &yogh;atis; the &yogh;ate of Joseph oon, the &yogh;ate of Beniamyn oon, the &yogh;ate of Dan oon. 33   And at the mydday coost, or southe, fyue hundrid and four thousandis thou shalt mete, the &yogh;atis of hem three; the &yogh;ate of Symyon oon, the &yogh;ate of Ysacar oon, the &yogh;ate of Zabulon oon. 34   And at the west coost, fyue hundred and foure thousandis, three &yogh;atis of hem; the &yogh;ate of Gad oon, the &yogh;ate of Aser oon, the &yogh;ate of Neptalym oon. 35   By the cumpas ei&yogh;tene

thousandis; and the name of the citee fro that day, The Lord there. Amen. Here endith the book of Ezechiel, and bigynneth the book of Daniel.

Previous section