Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XXXVI.
1 Forsothe thou, sone, of man, prophecie
vpon the mounteyns of Yrael; and thou
shalt saye, Hillis of Yrael, heere &yogh;e the
word of the Lord.
2 These thingis saith
the Lord God, For that that the enmye
saide of &yogh;ou, Wele! or scorne, hee&yogh;nessis
euerlastynge ben &yogh;ouen to vs in to eritage;
therfore prophecie thou,
3 and saye, These
thingus saith the Lord God, For that that
&yogh;e ben desolat and defoulid by cumpas,
and maad in to eritage to other folkis,
and &yogh;ee stei&yogh;iden vp vpon the lipp of
tunge, and shendship of peple;
4 therfore,
&yogh;e hillis of Yrael, heere the word of the
Lord God. These thingis saith the Lord
God to mounteyns, and smale hillis, to
rennynge stremys of reyn, and valeys,
and to desert wallingus, and to forsaken
citees, that ben robbid, and scornyd of
other heithen men bi cumpas;
5 therfore
these thingus saith the Lord God, For in
the fijr of my wrath I spake of other
heithen men, and of al Ydume, that &yogh;auen
my lond to hem in to eritage in swerd,
and al the herte, and of inwit, and castiden
out it, that thei shulden waaste;
6 therfore prophecie thou vpon the erth
of Yrael, and thou shalt saye to mounteyns,
and smale hillis, to hei&yogh;this of hillis,
and valeys, These thingis saith the Lord
God, For that that &yogh;e ben desolat, loo! I
in my wrath and in my woodnesse haue
spoken. For that that &yogh;e susteyneden
-- --
the confusioun of heithen men.
7 Therfore
these thingis saith the Lord God, I reyside
myn hond a&yogh;eins heithen men, that
ben in &yogh;our cumpas, that thei bere her
confusioun.
8 Forsothe, &yogh;e hillis of Yrael,
buriown &yogh;our braunchis, and bring &yogh;our
fruyt to my peple of Yrael; forsothe it is
ni&yogh; that it cum.
9 For loo! I to you, and
I shal be conuertid to &yogh;ou, and &yogh;e shuln
be erid, and shuln take seed.
10 And I
shal multiplie in &yogh;ou men, and al the
hous of Yrael; and citees shuln be enhabitid,
and ruynouse thingis shuln be instorid,
or maad a&yogh;ein.
11 And I shal fulfil
&yogh;ou with men and beestis, and thei shuln
be multiplied, and shuln waxe; and I shal
make &yogh;ou for to dwelle as fro the bygynnyng,
and I shal &yogh;eue with gretter goodis
than &yogh;e hadden fro the bygynnynge; and
&yogh;e shuln wite, for I the Lord.
12 And I
shal brenge vpon &yogh;ou men, my peple of
Yrael, and by eritage thei shuln welde
thee, and thou shalt be to hem in to eritage;
and thou shalt na more putte to,
that thou be without hem.
13 These thingus
saith the Lord God, For that that thei
sayn of &yogh;ou, Thou art a deuouresse of
men,
14 and stranglinge thi folc; therfore
thou shalt na more ete men, and thou
shalt na more slea thi folk, the Lord God
saith.
15 Nether I shal make the confusioun
of heithen men herd more in thee,
and thou shalt not bere the shendshipe
of peplis, and thou shalt na more leese
thi peple, saith the Lord God.
16 And the
word of the Lord is maad to me, sayinge,
Sone of man,
17 the hous of Yrael dwelliden
in her lond, and thei defouliden it in her
wayes, and in her studies; after the vnclennesse
of the menstruat womman the
way of hem is maad before me.
18 And I
shedde out myn indignacioun vpon hem,
for the blood whiche they shedden vpon
the lond, and in her ydolis thei defouliden
it.
19 And I scatride hem among heithen
men, and thei ben wyndowid in to
londis. After the waies of hem and fyndyngis
-- --
Y deemyde hem.
20 And thei entriden
to heithen men, to whom thei
entriden, and defouliden myn holy name,
whann it was said of hem, This is the
peple of the Lord, thei wenten out of the
lond of hym.
21 And I sparid to myn hooli
name, whom the hous of Yrael defoulide
in heithen men, to whom thei entriden.
22 Therfore thou shalt saie to the hous of
Yrael, These thingis saith the Lord God,
Not for &yogh;ou I shal do, &yogh;e hous of Yrael,
but for myn holy name, whom &yogh;e defouliden
in heithen men, to whom &yogh;e entriden.
23 And I shal halewe my greet
name, whiche is defoulid among heithen
men, whom &yogh;e defouliden in the mydil of
hem; that heithen men witen, for I the
Lord, saith the Lord of hoostus, whanne
I shal be halewid in &yogh;ou bifore hem.
24 Sothely
Y shal take &yogh;ou awey fro heithen
men, and I shal gadre &yogh;ou of alle londis,
and I shal brenge &yogh;ou into &yogh;our lond.
25 And I shal shede out vpon &yogh;ou clene
watir, and &yogh;e shuln be clensid of alle
&yogh;our defoulyngis; and I shal clense &yogh;ou
fro alle &yogh;our ydolis.
26 And I shal &yogh;eue to
&yogh;ou a newe herte, and I shal putte `a
newe spirit in the mydil of &yogh;ou; and
I shal take awey a stonen herte of &yogh;our
fleshe, and I shal &yogh;eue to &yogh;ou an herte of
fleshe,
27 and I shal putte my spirit in the
mydil of &yogh;ou. And I shal make that &yogh;e
walke in myn heestis, and that &yogh;ee kepe
and wirche my domys.
28 And &yogh;e shuln
dwelle in the lond, whiche I &yogh;aue to &yogh;our
fadris; and &yogh;e shuln be to me in to peple,
and I shal be to &yogh;ou in to God.
29 And I
shal saue &yogh;ou of alle &yogh;our filthis; and I
shal clepe whete, and shal multiplie it,
and I shal not putte hungre in to &yogh;ou.
30 And I shal multiplie the fruyte of tree,
and buriownygnus, or seedis, of the feeld,
that &yogh;e bere na more shenship of hungre
in heithen men.
31 And &yogh;e shuln haue
mynde of &yogh;our warst waies, and studies
not goode; and &yogh;our wickidnessis, and
-- --
&yogh;our grete trespassis shuln displese to
&yogh;ou.
32 Not for &yogh;ou I shal do, saith the
Lord God, be it knowen to &yogh;ou; be &yogh;e
counfoundid, and shame &yogh;e vpon &yogh;our
waies, &yogh;e hous of Yrael.
33 These thingis
saith the Lord God, In the day in whiche
Y shal clense &yogh;ou of alle &yogh;our wickidnessis,
and shal make citees for to be
enhabitid, and shal repareyle ruynouse
thingis,
34 and the desert lond shal be tilied,
whiche sum tyme was desolat, in the
ee&yogh;en of eche way goar,
35 thei shuln saye,
The ylk lond vntilied is maad as a &yogh;erd
of volupte, and citees desert and destitute
and vndirdiggid, waardid, or made
stronge, han setun;
36 and heithen men
shuln wite, whiche euer shuln be left, or
forsaken, in &yogh;our cumpas, for I the Lord
haue bildide the scatered thingus, and
haue plantid vntilied thingus;
37 Y the Lord
haue spoke, and haue don. These thingis
saith the Lord God, &YOGH;it the hous of Yrael
in this thing shuln fynde me, that Y do
to hem;
38 Y shal multiplie hem as flockis
of men, as an holy floc, as the floc of
Jerusalem in the solempnitees therof, so
desert citees shuln be ful of flockis of
men; and thei shuln wite, for Y the Lord.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
