Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XXXV.
1 And the word of the Lord is maad to
me,
2 sayinge, Sone of man, putte thou thi
face a&yogh;eins the mount of Seir; and thou
shalt prophecie to it, and shalt saye to
it,
3 These thingis saith the Lord God,
Loo! I to thee, mount of Seir; I shal
strecche out myn hond vpon thee, and
I schal &yogh;iue thee desolat and desert.
4 I
schal distrye thi citees, and thou schalt
be desert; and thou schalt wite, for I the
Lord.
5 For that that thou was an enmy
euer lastynge, and closidist to gydre the
sones of Yrael in to hondis of swerd, in
the tyme of her affliccioun, in the tyme
of the last wickidnesse;
6 therfore Y lyue,
saith the Lord God, for I shal bitake
thee to blood, and blood shal pursue thee;
and whann thou hatist bloode, blood shal
pursue thee.
7 And I shal &yogh;eue the hil of
Seir desolat and desert, and I shal take
awey fro it a man goynge and turnynge
a&yogh;ein;
8 and I shal fulfille the hillis of it
with careyns of slayn men. In thi litil
hillis, and in thi valeis, and in rennynge
brokis of reyn, men slayn in swerd shuln
falle doun.
9 I shal bytake thee into wildernessis
euerlastynge, and thi citees
shuln not be enabitid; and &yogh;e shuln wite,
for I the Lord God.
10 For that that thou
saidist, Two folkis and two londis shuln
be myn, and bi eritage I shal weelde
hem, whan the Lord was there;
11 therfore
I lyue, saith the Lord God, for I
shal do after thi wrath, and after thin
enuye, whiche thou didist, hauynge hem
in hate, and I shal be maad knowen by
hem, when I shal deeme thee;
12 and thou
shalt wite, for I the Lord. Y herde alle
-- --
thi shendshipis, whiche thou hast spoken
of the mounteyns of Yrael, sayinge, Thei
desert ben &yogh;ouen to vs, for to deuoure.
13 And &yogh;e han rise vpon me with &yogh;our
mouth, and han dymynued, or spoken
yuel, a&yogh;eins me; I herd &yogh;our wordis.
14 These thingis saith the Lord God, All
erthe gladynge, I shal dryue thee in to
wildrenesse.
15 As thou ioyedist vpon the
eritage of the hous of Yrael, for that it
was scatered, so I shal do to thee; the
hill of Seir shal be scatered, and al Ydume;
and thei shuln wite, for I the Lord.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
