Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XXVI.
1 And it is doon in the elleuenthe &yogh;eer,
in the first of the moneth, the word of
the Lord is maad to me,
2 seiynge, Sone of
man, for that that Tyrus seide of Jerusalem,
Wew! or ioye, the &yogh;atis of puplis
ben togidre broken, it is conuertid to
me; Y shal be fulfillid, it is deseert;
therfor thes thingis seith the Lord God,
3
Loo! Y vpon thee, Tyre; and Y shal
make many folkis for to stie vp to thee,
as the see flowynge stieth vp.
4 And thei
shulen scatere the wallis of Tyre, and
thei shulen distruye the touris therof;
and I shal shaue the dust of it fro it,
and Y shal &yogh;yue it in to a moost cleer
stoon.
5 Driyng of nettis it shal be in the
mydil of the see, for Y spak, seith the
Lord God. And it shal be in to rauyshynge
to folkis.
6 And the dou&yogh;ters therof
that ben in the feeld, shulen be slayn
with swerd; and thei shulen wite, for Y
the Lord.
7 For thes thingis seith the
Lord God, Lo! I shal brynge to Tyre
Nabugodonosor, kyng of Babiloyne, fro
the north, kyng of kyngis, with horsis,
and charis, and horsmen, and cumpanye,
and greet puple.
8 He shal slee bi swerd
thi dou&yogh;tris that ben in the feeld; and
he shal enuyroune thee with waardyngis,
and he shal brynge togider the heepe of
erthe in cumpas, and he shal reise vp
a&yogh;ens thee a sheld.
9 And he shal tempre
engynes in maner of vynes, and engynes
in maner of wetheres in to thi wallis; and
he shal destruye thi touris in his aarmer.
10 With ynne flowynge of his horsis, the
dust of hem shal keuere thee; of the
sowne of horsmen, and wheelis, and charis
thi wallis shulen be moued; whanne he
shal goo in the &yogh;atis, as bi entryngis of
-- --
the citee distruyed,
11 or scatered, with the
feet of his horsis he shal defoule alle thi
stretis. He shal sle bi swerd thi puple,
and thi noble ymagis shulen falle in to
erthe.
12 Thei shulen waaste thi ri&yogh;tchessis,
and thei shulen rauyshe thi marchaundisis;
and thei shulen distruye thi wallis,
and thei shulen vndir-turne thi ful clere
housis, and thei shulen putte thi stoonus,
and thi trees, and thi poudre in the mydil
of watris.
13 And Y shal make the multitude
of thi songsters for to reste, and the
sown of thin harpis shal namore be herd;
14 and Y shal &yogh;yue thee in to a moost cleer
stoon. Thou shalt be driynge of nettis in
the mydil see, nether thou shalt more be
bildid, for Y the Lord spak, seith the Lord
God.
15 Thes thingis seith the Lord God to
Tire, Whether not of the soun of thi fallynge,
and of the sorewynge of thi slayn
men, whanne thei shulen be slayn in the
mydil of thee, ylys shulen be moued to
gider?
16 And alle princis of the see shulen
cum doun fro her seetis, and thei shulen
doo a wei her spuylis, and thei shulen
caste awei her dyuerse clothingis, and
thei shulen be clothid with greet dreed.
In the erthe thei shulen sitte, and thei
astonyed vpon thi sodeyn fal shulen
wondre.
17 And thei takynge to vpon thee
lamentacioun, shulen seie to thee, How
pershidist thou, noble citee, that dwellist
in the see, which was stroong in the see
with thi dwellers, whom alle men dredden?
18 Now shippis shulen wondre in the
day of thi dreed, and ylis in the see
shulen be sturblid, for that that no man
goth out of thee.
19 For thes thingis seith
the Lord God, Whanne Y shal &yogh;yue thee
a citee desolat, as cytees that ben not
enhabitid, and Y shal leede to vpon thee
the depnes, or the see, and manye watris
shulen hille thee.
20 And Y shal drawe
thee doun with thes that gon doun in to
the lake, to puple euerlastynge; and Y
-- --
shal togidre sette thee in the last loond,
as old wildirnes, with thes that ben lad
forth in to the lake, that thou be not
enhabited. Sotheli whanne I shal &yogh;yue
glorye in the loond of men lyuynge,
21 I
shal dryue thee in to nou&yogh;t, and thou
shalt not be; thou sow&yogh;t a&yogh;en shalt namore
be foundyn in to with outen ende,
seith the Lord God.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
