CAP. XLI.
1 And don is in the seuenthe moneth,
cam Ismael, the sone of Nathanye, sone
of Elisame, of the kingus sed, and the
beste men of the king, and ten men
with hym, to Godolie, sone of Aicham,
in Masfa; and thei eete there loeues `to
gydere in Masfa.
2 Rysen forsothe Ismael,
the sone of Nathanye, and the ten
men that with hym weren, and smyten
Godolie, the sone of Aicham, sone of Safan,
with swerd, and slowen hym, whom
bifore hadde mad the king of Babiloyne
to the lond.
3 Also alle the Jewis that
weren with Godolie in Masfa, and the
Caldeis, that ben founde there, and the
men fi&yogh;teres, Ismael smot.
4 The secounde
forsothe dai, after that he hadde slayn
Godolie,
5 no man &yogh;it witende, camen men
of Sichym, and of Silo, and of Samarie,
ei&yogh;teti men, shauen the berd, and the
clothis kut, and defoulid; &yogh;iftus and encens
hadden in the hond, that thei shulden
offre in the hous of the Lord.
6 Gon
out thanne Ismael, the sone of Natanye,
in to a&yogh;en comyng to them fro Masfath,
goende and wepende wente. Whan forsothe
he hadde a&yogh;en come to them, he
-- --
seide to them, Cometh to Godolie, sone
of Aicham;
7 the whiche whanne hadden
comen to the myddel of the cite, sloo&yogh;
hem Ismael, the sone of Nathanye, aboute
the myddel of the lake, he and the men
that weren with hym.
8 Ten men forsothe
ben founden among hem, that seiden
to Ismael, Wile thou not slen vs, for
wee han tresor in the feld, of whete, and
of barly, and of oile, and of hony. And
he cesede, and slo&yogh; hem not with ther
brethern.
9 The lake forsothe in to whiche
Ismael thre&yogh; alle the careynus of the
men, whom he smot for Godolie, it is
whiche made Asa the king for Basa, the
king of Irael; Ismael, the sone of Natanye,
`fulfilde it with slayn men.
10 And
Ismael bro&yogh;te caitif alle the relikis of the
puple, that weren in Masfath, the do&yogh;tris
of the king, and al the puple that
abiden in Masfath, whom Nabusardan,
prince of the chyualrie, hadde betake to
Godolie, sone of Aicham. And Ismael,
the sone of Nathanye, toc them, and
wente awei, that he shulde go to the
sonus of Amon.
11 Herde forsothe Johanna,
the sone of Carae, and alle the princes
of fi&yogh;teres, that weren with hym, al the
euel that don hadde Ismael, the sone of
Natanye.
12 And taken to alle the men, thei
wente forth, that thei schuld fi&yogh;te a&yogh;en
Ismael, the sone of Natanye; and founden
hym at manye watris, that ben in
Gabaon.
13 And whan seen hadde al the
puple, that was with Ismael, Johannan,
sone of Carae, and al the princes of
fi&yogh;teres, that weren with hym, gladeden.
14 And turned a&yogh;een is al the puple, that
Ismael hadde taken in Masfath; and
turned a&yogh;een, it &yogh;ide awei to Johannan,
the sone of Carae.
15 Ismael forsothe, the
sone of Nathanye, flei&yogh; with ei&yogh;te men
fro the face of Johanna, and &yogh;ide awei
to the sonus of Amon.
16 Toc thanne Johanna,
the sone of Carae, and alle the
princes fi&yogh;teres, that weren with hym,
-- --
al the remnaunt of the comun, that he
hadde bro&yogh;t a&yogh;een fro Ismael, the sone of
Nathanye, fro Masfa, aftir that he hadde
smyte Godolie, sone of Aicham, stronge
men to bataile, and wymmen, and childer,
and geldingus, that he hadde bro&yogh;t
a&yogh;een fro Gabaon.
17 And thei wenten awei,
and seten pilgrimagende in Canaan, that
is byside Bethlem, that thei shulde go,
18 and weende in to Egipt fro the face of
Caldeis; forsothe thei dredden hem, for
smyten hadde Ismael, sone of Natanye,
Godolie, sone of Aicham, whom biforn
hadde put the king of Babiloyne in the
lond of Juda.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].