Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XXXVII.
1 And regnede king Sedechie, sone of
Josie, for Jeconye, the sone of Joachym,
whom Nabugodonosor, king of Babiloyne,
sette king in the lond of Juda.
2 And obeshede not he, and his seruauns,
and his puple of the lond, to the wrdus
of the Lord, that he spac in the hond of
Jeremye, the profete.
3 And king Sedechie
sent Jothal, the sone of Selemye, and
Sofone, sone of Maasie, prest, to Jeremye,
the profete, seiende, Prei for vs the Lord
oure God.
4 Jeremye forsothe freeli &yogh;ide
in the myddel of the puple; forsothe thei
hadden not put hym in to warde of prisoun.
Thanne the ost of Farao wente
out fro Egipt, and herende the Caldeis,
that besegeden Jerusalem, such a maner
messager wenten awei fro Jerusalem.
5 And
don is the wrd of the Lord to Jeremye,
the profete,
6 seiende, These thingus seith
the Lord God of Irael, Thus &yogh;ee shul
sei to the king of Juda, that sente &yogh;ou to
aske me, Lo! the ost of Farao, that is
gon out to &yogh;ou to helpe, shal turne a&yogh;een
in to his lond, in to Egipt.
7 And Caldeis
shul turne a&yogh;een, and fi&yogh;ten a&yogh;en this
cite, and taken it, and brenne it vp with
fyr.
8 These thingus seith the Lord, Wileth
not disceyue &yogh;oure soulus, seiende,
Goende out Caldeis shul go awei, and
turne a&yogh;een fro vs; for thei shul not gon
awei.
9 But and if &yogh;ee shul smyte al the
ost of Caldeis, that fi&yogh;ten a&yogh;en &yogh;ou, and
`shul be laft of them summe woundid,
eche fro his tent shal rise, and
brenne vp this cite with fyr.
10 Thanne
whan hadde gon awey the ost of Caldeis
fro Jerusalem, for the oost of Farao,
wente out Jeremye fro Jerusalem,
11 that
he shulde go in to the lond of Beniamyn,
and deuyde there possessioun in the si&yogh;te
of the citeseynus.
12 And whan he hadde
comen to the &yogh;ate of Beniamyn, was
there the kepere of the &yogh;ate bi whiles, bi
-- --
name Jerias, sone of Selemye, sone of
Ananye, and toc Jeremye, the profete,
seiende, To the Caldeis thou fleest.
13 And
Jeremye answerde, It is fals; Y flee
not to the Caldeis. And he herde hym
not, but Jereias toc Jeremye, and bro&yogh;te
hym to the princes.
14 For what thing
wroth the princes a&yogh;en Jeremye, beten
putten hym in to prisoun, that was in
the hous of Jonathe, scribe; he forsothe
was prouost vp on the prisoun.
15 And so
Jeremye wente in to the hous of the
lake, and in to the hardere prisoun;
and Jeremye sat there manye da&yogh;es.
16 And
so king Sedechie sendende toc hym, and
askede hym in his hous hidli, and seide,
Wenest thou, whether ther is not a wrd
fro the Lord?
17 And Jeremye seide, Ther
is. And he seith, In the hond of the
king of Babiloyne thou shalt be take.
And Jeremye seide to Sedechie, the
king, What haue Y synned to thee, and to
thi seruauns, and to thi puple, for thou
hast sent me in to the hous of the prisoun?
18 Wher ben &yogh;oure profetus, that
profecieden to &yogh;ou, and seiden, The king
of Babiloyne shal not come vpon vs, and
vpon this lond?
19 Now thanne here thou, Y
beseche, lord my king, vaile my pre&yogh;eres
in thi si&yogh;t, and ne sende thou me a&yogh;een
in to the hous of Jonathe, scribe, lest Y
die there.
20 Thanne Sedechie comaundide,
that Jeremye shulde be take in to the vestiarie
of the prisoun, and that ther shulde
be &yogh;oue to hym a cake of bred eche dai,
out take sowyl, to the tyme that shulde
be wastid alle the loeues of the cyte;
and Jeremye bod in the vestiarie of the
prisown.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|