Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. III.
1 Comunly me seith, If a man lefe his
wif, and she goende awei fro hym wedde
an other man, whether shal she turne
a&yogh;een any mor to hym? whether not
pollut and defoulid shal be that womman?
Thou forsothe hast do fornycacioun
with many loueres; nerthelatere
-- --
turne a&yogh;een to me, seith the Lord, and I
shal resceyue thee.
2 Rere vp thin e&yogh;en
in to euene ri&yogh;t, and see, where now thou
art leid doun. In weies thou seete, abidende
them as a thef in wildernesse, and
thou defouledist the lond in thi fornycaciouns
and in thi malices.
3 For what
thing ben defendid dropis of reynes, and
the late comende weder was not. The
forhed of a strumpet womman is maad
to thee; thou woldest not shamen.
4 Thanne namely fro now clep me, My
fader, duk of my maydenhed thou art.
5 Whether thou shalt be wroth in to euermor,
and abyde stille in to the ende?
Lo! thou speeke, and didist euelis, and
my&yogh;tist. And for wrdis of penaunce with
wrdis of pride thou blasfemedist; and thou
fulfildist thin euel thenking, and shewedist
a&yogh;en the husbonde thi strengthe,
that thou mow don that in wrd thou
tretedist.
6 And the Lord seide to me,
in the da&yogh;es of kyng Josie, Whether thou
hast not seen what thyngus hath do the
aduersarie, Irael? She &yogh;ide awei to hirself
vp on eche he&yogh; mounteyn, and vnder
eche braunchi tree, and dide fornycacioun
there.
7 And Y seide, whan she
hadde don alle these thingus, To me turne
a&yogh;een; and she is not turned a&yogh;een. And
the brekeresse of lawe, Juda, hir sister,
sa&yogh;,
8 for thi that `Irael, aduersarie, hadde
do leccherie, I shulde haue left her, and
&yogh;oue to her a libel of forsaking; and
the lawe brekeresse, Juda, hir sister,
dradde not, but &yogh;ide awei, and dide
fornycacioun also she.
9 And thur&yogh; li&yogh;thed
of hir fornycacioun defoulede the
lond, and dide fornycacioun with ston,
and with tree.
10 And in alle these thingus
is not turned a&yogh;een to me the lawe
brekeresse, hir sister, Juda, in al hir
herte, but in lesing, seith the Lord God.
11 And the Lord seide to me, The aduersarie,
Irael, iustefiede hir soule, bi comparisoun
-- --
of the lawe brekeresse, Juda.
12 Go, and cry these wrdus a&yogh;en the north;
and thou shalt sey, Turne a&yogh;een, thou
aduersarie, Irael, seith the Lord, and I
shal not turne awei my face fro &yogh;ou; for
I am hoeli, seith the Lord, and I shal
not wrathen in to withoute ende.
13 Ner
the latere wite thou thi wickednesse;
for in to the Lord thi God thou hast do
lawe breche, and thou hast scatered thi
weies to alienus vnder eche braunchi tree;
and my vois thou herdist not, seith the
Lord.
14 Beth conuertid, &yogh;ee sonus, turnende
a&yogh;een, seith the Lord, for I &yogh;oure housebonde;
and shal take &yogh;ou to oen of the
cite, and two of the kinrede, and bringe
&yogh;ou in to Sion;
15 and &yogh;iue &yogh;ou shepperdus
aftir myn herte, and thei shul fede &yogh;ou
with kunnyng and doctryne.
16 And whan
&yogh;e shul be multeplied, and encresyn in
the lond, in tho da&yogh;es, seith the Lord,
thei shul sey no more, The arke of the
testament of the Lord; ne it shal ste&yogh;en
vp vp on herte, ne thei shul recorde of
it, ne it shal be visitid, ne be mad eft
more.
17 In that tyme thei shuln clepe
Jerusalem The see of the Lord, and gedered
shul be to it alle Jentiles, in name
of the Lord, in to Jerusalem; and thei
shul not gon after the shreudenesse of
ther werste herte.
18 In tho da&yogh;es gon shal
the hous of Juda to the hous of Irael;
and come thei shuln togidere fro the
lond of the north to the lond that I &yogh;af
to &yogh;oure fadris.
19 I forsothe seide, Hou
shal I putte thee in sonus, and &yogh;elde to
thee the desirable lond, the ful cler eritage
of the ostis of the folc of kinde?
And I seide, A fader thou shalt clepe me,
and after me to gon thou shalt not cese.
20 But what maner if a womman dispise
hir louere, so dispisede me the hous of
Irael, seith the Lord.
21 A vois in weies
is herd, weping and &yogh;elling of the sonus
of Irael; for wicke thei maaden their
weie, for&yogh;eeten of the Lord ther God.
-- --
22 Beth conuerted, &yogh;ee sonus, turnende a&yogh;een,
and I shal helen &yogh;oure turnyngus awei.
Lo! wee han come to thee; thou forsothe
art the Lord oure God.
23 Verreli lyeres
weren the hillis, the multitude of mounteynes;
verrely in the Lord oure God the
helthe of Irael.
24 Confusioun eet the
trauale of our fadris, fro oure waxende
&yogh;outhe; the flockes of them, and the
droues of hem, the sonus of them, and
the do&yogh;tris of them.
25 Wee shul slepe in
oure confusyoun, and coueren shal vs
oure shenshipe; for to the Lord oure God
wee han synned, and wee and our fadris,
fro oure waxende &yogh;outhe vn to this dai;
and wee han not herd the vois of `the
Lord oure God.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
