Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XV.
1 And the Lord seide to me, If Moises
shulde stonde, and Samuel bifor me, my
soule is not to this puple; thro&yogh; out
them fro my face, and go thei out.
2 That
if thei shul sey to thee, Whider shul wee
go out? thou shalt sei to them, These
thingus seith the Lord, Who to deth, to
deth, and who to swerd, to swerd, and
-- --
who to hunger, to hunger, and who to
caitifte, to caytifte.
3 And Y shal visete
vp on hem foure spices, seith the Lord;
swerd to sla&yogh;ter, and houndis to tern, and
foules of heuene, and bestus of erthe to
deuouren and wasten.
4 And Y shal &yogh;yue
them in to gret hete to alle reumes of
erthe, for Manassen, the sone of Ezechie,
king of Juda, vpon alle thingus that he
dide in Jerusalem.
5 Who forsothe shal
han merci of thee, Jerusalem, or who
shal sorewe for thee, or who shal go to
pre&yogh;e for thi pes?
6 Thou hast forsake me,
seith the Lord, bacward thou &yogh;idist awei;
and I shal strecchen out myn hond vp on
thee, and sle thee; I trauailede pre&yogh;ende.
7 And Y shal scatere them with a fan in
the &yogh;atus of the lond; I slo&yogh;, and loste
my puple, and nerthelatere fro ther weies
thei be not turned a&yogh;een.
8 Multiplied ben
to me his widewes vp on the grauel of
the se; and Y bro&yogh;te in to them vp on the
moder of the &yogh;unge waxen a wastere in
mydday, Y sente vp on the cites feerli
ferd.
9 Feblid ys she that bar seuene,
failede hire soule; fel doun to hir the
sunne, whan &yogh;it to hir was day. Confoundid
she is, and ful out shamede; and
hir remnauntus in to swerd Y shal &yogh;yue
in the si&yogh;te of hir enemys, seith the
Lord.
10 Wo to me, my moder; whi geete
thou me, a man of strif, a man of discord
in eche lond? I vsurede not, ne to
me vsurede any man; alle cursen to me,
seith the Lord.
11 If not thi relikes in to
good, if Y a&yogh;en cam not to thee in tyme
of affliccioun, and in tyme of tribulacioun
and of anguysh, a&yogh;en the enemye.
12 Whether
shal be ioyned iren to iren fro the
north, and bras?
13 Thi richesses and thi
tresores in to taking awei Y shal &yogh;yue
freely, in alle thi synnes, and in alle thi
termes.
14 And I shal bringe thin enemys
fro the lond that thou knowist not; for
fyer tend vp is in my wodnesse, vp on
&yogh;ou it shal brenne.
15 Thou wost, Lord,
-- --
recorde thou of me, and visite me, and
delyuere me fro them that pursuen me;
wile thou not in thi pacience take me,
wite thou, for for thee Y suffrede repref.
16 Found ben thi wrdys, and Y eet hem;
and don is to me thi wrd in to io&yogh;e, and
in to gladnesse of myn herte; for inwardli
clepid is thi name vp on me, Lord God
of ostis.
17 I sat not in counseil of pleieres,
and gloriede fro the face of thin hond;
alone I sat, for of bitternesse thou hast
fulfild me.
18 Whi mad is my sorewe perpetuel,
and my wounde despeirable forsoc
to be cured? mad she is to me, as
lesing of vnfeithful watris.
19 For this these
thingis seith the Lord, Yf thou art conuertid,
Y shal conuerte thee, and befor my
face thou shalt stonde; and if thou seuere
precious thinge fro foul, as my mouth
thou shalt be; thei shul be conuertid to
thee, and thou shalt not be conuertyd to
them.
20 And I shal &yogh;yue thee to this puple
in to a strong brasene wal, and thei
shul fi&yogh;te a&yogh;en thee, and thei shul not han
the maistry; for I am with thee, that I
saue thee, and delyuere thee, seith the
Lord.
21 And Y shal delyuere thee fro the
hond of the werst men, and a&yogh;een bie
thee fro the hond of stronge men.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|