Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XI.
1 The wrd that is do to Jeremye of the
Lord,
2 seiende, Hereth the wrdus of this
couenaunt, and speketh to the men of
Juda, and dwelleres of Jerusalem;
3 and
thou shalt sey to them, These thingus
seith the Lord God of Irael, Cursid the
man that shal not here the wrdus of this
couenaunt,
4 that Y comaundede to &yogh;oure
fadris, in the dai that Y ladde hem out
fro the lond of Egipt, fro the irene furneys;
seiende, Hereth my vois, and doth
alle thingus that Y comaundide to &yogh;ou,
and &yogh;ee shul be to me in to a puple, and
Y shal be to &yogh;ou in to a God;
5 that Y rere
the oth that Y swor to &yogh;oure fadris, me to
&yogh;yue to them a lond flowende mylc and
-- --
hony, as is this dai. And Y answerde,
and seide, Amen, Lord.
6 And the Lord
seide to me, Crye out alle these wrdus in
the cites of Juda, and withouteforth Jerusalem,
seiende, Hereth the wrdus of
this couenaunt, and doth them;
7 for witnessende
Y witnessede &yogh;oure faders, in
the dai that Y ladde them out fro the
lond of Egipte, vnto this day; erly risende
Y witnessede, and seide, Hereth my
vois.
8 And thei herden not, ne boweden in
ther ere, but wenten awei eche in to the
shreudenesse of his euele herte; and Y
bro&yogh;te in vp on hem alle the wrdus of this
couenaunt, that Y comaundide that thei
shulden do, and thei diden not.
10 And
the Lord seide to me, Ther is founde
coniuracioun in the men of Juda, and in
the dwelleris of Jerusalem; thei ben
turned a&yogh;een to the rathere wickidnesses
of ther faders, that wolden not
here my wrdus; and these thanne aftir
aliene goddis &yogh;iden awei, that thei serue
to them; all voide maden the house of
Irael and the hous of Juda my couenaunt,
that Y couenauntede with ther
faders.
11 Wherfore these thingus seith the
Lord, Lo! Y shal bringen in vp on hem
eueles, of whiche gon out thei shul not
moun; and thei shul crien to me, and Y
shal not heren hem.
12 And gon shul the
cites of Juda and the dwelleris of Jerusalem,
and crien to them, to whom thei
offren; and thei shul not saue them in
tyme of ther tormenting.
13 After the
noumbre forsothe of thi cites weren thi
godis, Juda, and after the noumbre of
thi weies, Jerusalem, thou settedest auteres
of confusion, autres to offre to Balim.
14 Thou thanne, wile thou not pre&yogh;e
for this puple, and ne take thou too for
them preising and orisoun; for Y shal
not heren in the time of ther cry to me,
in tyme of ther torment.
15 What is, that
my loued in myn hous doth many hidous
-- --
giltus? whether hoeli flesh `shul don
awei fro thee thi malices, in whiche
thou gloriest?
16 An olyue plenteuous,
fair, fructuous, semeli, clepede the Lord
thi name; at the vois of the grete speche
brende out fyr in it, and to-brend ben
alle his busshy places.
17 And the Lord
of ostus that plauntede thee, spac vp on
thee euel, for the euelus of the hous of
Irael, and of the hous of Juda, that thei
diden to themself, offrende to Balim, to
terre me.
18 Thou forsothe, Lord, hast
shewid to me, and Y kne&yogh;; thou hast
shewid to me the studies of hem.
19 I as
a debonere lomb, that is born to slayn
sacrifise; and Y kne&yogh; not, for thei tho&yogh;ten
vp on me counseil, seiende, Sende wee a
tree in to his bred, and shaue wee hym
out fro the lond of lyueres, and his name
be no more membred.
20 Thou forsothe,
Lord of Sabaoth, that demest ri&yogh;twisly,
and prouest reenes and hertes, see Y thi
veniaunce of them; to thee forsothe Y
shewede my cause.
21 Therfor these thingus
seith the Lord to the men of Anatoth,
that sechen my soule, and seyn, Thou
shalt not profecien in the name of the
Lord, and thou shalt not die in oure
hondus.
22 Therfor these thingus seith the
Lord of ostus, Lo! Y shal visite vp on
hem; &yogh;unge men shul die in swerd, the
sonus of them and the do&yogh;tris of them
shul dien in hunger;
23 and relikes shul
not ben of hem; I shal leden in forsothe
euel vp on the men of Anatoth, a &yogh;er of
the visitynge of hem.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|