Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. VI.
1 Whan men bigunnen to be multiplied
vpon the erthe, and hadden brou&yogh;t forth
dow&yogh;tris,
2 the sones of God, seynge the
dow&yogh;tris of men that thei weren faire,
token wyues to hem of alle the whiche
thei chosen.
3 And God seide, My spiryt
shal not dwel in man with outen ende,
for flehs he is; and the daies of hym
shal ben an hundrid and twenti &yogh;eers.
4 Giauntis forsothe weren vpon the erthe
in tho daies, aftir forsothe that the sonys
of God weren gon ynne to the dow&yogh;trys
of men, and thei goten; thes ben my&yogh;ti
of the world and famows men.
5 God forsothe
seynge that myche malice of men
was in the erthe, and al thou&yogh;t of the
herte was &yogh;ouun to yuel al tyme,
6 it forthou&yogh;t
him that he had made man in
erthe; and `bifore war in tyme to come,
and towchid with sorwe of herte with
ynforth,
7 I shal do awey, he seith, man,
whom I made of nou&yogh;t, fro the face of
the erthe, fro man vnto thingis hauynge
soule, fro crepynge beest vnto fowles of
heuen; forsothe it `o thenkith me to
haue maad hem.
8 Noe forsothe founde
grace bifore the Lord.
9 Thes ben the generaciouns
of Noe. Noe a ri&yogh;twis man
and a perfit was in his generaciouns; with
God he &yogh;ede,
10 and he gat thre sones, Sem,
Cham and Japheth.
11 Forsothe the erthe
is corupt before God, and is fulfillid with
schrewidnes.
12 And whanne God had seen
the erthe to be corupt, al forsothe flehs
had coruptid his weie vpon the erthe,
he seide to Noe,
13 The ende of al flehs
cometh bifore me; the erthe is fulfullid
with wickidnes fro the face of hem, and
I shal scater hem with the erthe.
14 Make
to thee `an ark of planed trees; litel
dwellyng places in the ark thow shalt
make, and with ynne and with oute thow
shalt di&yogh;ten it with glew.
15 And so thow
-- --
shalt make it. The lengthe of the ark
shal be of thre hundrid cubytis, the brede
of fifti cubitis, and the hi&yogh;t of it of thretti
cubitis.
16 A wyndow in the ark thou shalt
make, and in o cubite thow shalt ende
the hi&yogh;t of it; the dore forsothe of the
ark thow shalt sett aside bynethen;
sowpyng placis, and thre chaumbred thow
shalt make in it.
17 Se! I shal lede to watres
of a flood vpon the erthe, and I shal
slee al flehs in the which spiryt of lijf is
vndre heuene, and alle thingis that ben
in the erthe, shal be wastid.
18 And I shal
sett my couenaunt of pees with thee, and
thow shalt gon into the ark, thow and
thi sones, thi wijf, and the wyfes of thi
children with thee.
19 And of alle thingis
hauynge sowle of ony flehs, two thow
shalt brynge into the ark, that maal sex
and femaal lyuen with thee;
20 of fowles
after ther kynde, and of iumentis in ther
kynde, and of alle crepynge beest of the
erthe after his kynde; two of alle shulen
go ynne with thee, that thei mown lyue.
21 Thou shalt take thanne with thee of al
maner metis that mown be eten, and
thow shalt bere with thee, and thei shulen
be bothe to thee and to hem into meet.
22 Thanne Noe dide alle thingis that God
comaundide hym.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|