Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. V.
1 This is the boke of the generacioun of
Adam, in the day in which God made
of nou&yogh;t man. To the ymage and lyknes
of God he made hym;
2 male and female
he made hem of nou&yogh;t, and he blisside to
hem, and he callide the name of hem
Adam, in the dai in the which thei weren
maad of nou&yogh;t.
3 Adam forsothe lyuede an
hundrid and thretti wynter, and he gat
a sone to the liknes and hys ymage, and
callide the name of hym Seth.
4 And the
daies of Adam ben maad after that he
gat Seth ei&yogh;te hundrid &yogh;eer, and he gat
sones and dow&yogh;tres.
5 And al the tyme is
maad in the which Adam lyuede nyne
hundrid and thritti &yogh;eer, and deed he is.
6 Seth forsothe lyuede an hundryd and fyue
&yogh;eer, and he gat Enos.
7 And Seth lyuede
aftir that he gat Enos ei&yogh;t hundrid wyntir
and seuene, and he gat sones and
dow&yogh;tres.
8 And alle the daies of Seth
ben maad nyne hundrid and twelue &yogh;eer,
and deed he is.
9 Enos forsothe lyuede
nynti &yogh;eer, and he gat Caynan;
10 after
whos birthe he lyuede ei&yogh;t hundrid and
fiftene &yogh;eer, and he gat sones and dow&yogh;tris.
11 And alle the dayes of Enos ben
maad of nyne hundrid and fyue &yogh;eer, and
deed he is.
12 Caynan forsothe lyuede seuenti
&yogh;eer, and he gat Malalehel.
13 And
Caynan lyuede after that he had gotun
Malalehel ei&yogh;t hundrid and fourty &yogh;eer,
-- --
and he gat sones and dow&yogh;tris.
14 And alle
the dais of Caynan ben maad nyne hundrid
and ten &yogh;eer, and deed he is.
15 Malalehel
forsothe lyuede fyue and sixti &yogh;eer,
and he gat Jared.
16 And Malalehel lyuede
after that he gat Jared ei&yogh;t hundryd and
thritti &yogh;eer, and he gat sones and dow&yogh;trys.
17 And alle the daies of Malalehel ben maad
ei&yogh;t hundrid and nynti and fyue &yogh;eer, and
deed he is.
18 And Jared lyuede an hundryd
and two and sixti &yogh;eer, and he gat
Enok.
19 And Jared lyuede after that he
gat Enok ei&yogh;t hundrid &yogh;eer, and he gat
sones and dow&yogh;tris.
20 And al the daies of
Jared ben maad nyne hundrid &yogh;eer and
two and sixti, and deed he is.
21 Forsothe
Enok lyuede fyue and sixti &yogh;eer, and he
gat Matusale.
22 And Enok &yogh;ede with God;
and Enok lyuede after that he gat Matusale
thre hundrid &yogh;eer, and he gat sonys
and dow&yogh;tris.
23 And alle the daies of Enok
ben maad thre hundrid and fyue and
sexti &yogh;eer.
24 And he &yogh;ede with God, and
he aperyde not, for God toke hym.
25 Forsothe
Matusale lyuede an hundrid and
seuen and ei&yogh;ti &yogh;eer, and he gat Lameth.
26 And Matusale lyuede after that he had
getun Lameth seuene hundrid and two
and ei&yogh;ti wynter, and he gat sones and
dow&yogh;tris.
27 And alle the daies of Matusale
ben maad nyne hundrid and sixti and
nyne &yogh;eer, and deed he is.
28 Lameth forsothe
lyuede an hundryd and two and ei&yogh;ti
&yogh;eer, and he gat a sone;
29 and he callide
the name of hym Noe, seiynge, This shal
coumforte vs fro the werkis and the traueils
of oure hondis in the erthe, the
whiche werkis the Lord curside.
30 And
Lameth lyuede after that he gat Noe fyue
hundrid and fyue and nynti &yogh;eer, and he
gat sonys and dow&yogh;tris.
31 And alle the
daies of Lameth ben maad seuene hundryd
and seuenti and seuene &yogh;eer, and
deed he is. Noe forsothe whan he was
of fyue hundrid &yogh;eers, he gat Sem, Cam,
and Japheth.
-- --
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
