Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XL.
1 And so thes thingis doon, fel that two
geldyngis synneden, the botler of the kyng
of Egepte, and the baker, to her lord.
2 And Pharao wroth a&yogh;ens hem, for the
tother was bifore to botlers, and the
tothir to bakers,
3 putte hem into the prisoun
-- --
of the prince of kny&yogh;tis, in the
which and Joseph was gyued.
4 And the
kepere of the prisoun tok hem to Joseph,
the which and mynystryde to hem. A
litil of tyme &yogh;ede bitwixe, and thei in
keping weren holdun,
5 and both seen a
sweuen oon ny&yogh;t, aftir couenable vndoyng
to hem.
6 To whom whanne Joseph cam
yn eerly,
7 and saw&yogh; hem drery, askide
hem, seiynge, Whi dreryer is &yogh;oure face
to day than it was wonte?
8 The which
answeryden, A sweuen we han seen, and
ther is not that wol vndo it vs. And
Joseph seide to hem, Whether not of God
is the vndoyng? Telle &yogh;e to me what &yogh;e
han seen.
9 And the prouest of botlers
bifore tolde his sweuen; I saw&yogh; bifore
me a vyne,
10 in the which weren thre
braunchis growun litil mele into clustris,
and after floures the grapes to wexe rijp,
and the chalice of Pharao in myn hoond;
11
thanne I toke grapes, and wrong into the
chalice that Y heelde, and toke drynke to
Pharao.
12 Joseph answeryde, This is the
vndoyng of the sweuen; thre braunches
thre &yogh;it dayes ben,
13 after whiche Pharao
shal record of thi seruyce, and shal restore
thee to the bifore had gree, and
thow shalt &yogh;yue to hym a chalice, after
thin office, as thow were wont to do bifore.
14 As myche haue mynde of me, whanne it
were wel with thee, and mercy thow shalt
do with me, that thow make suggestioun
to Pharao, that he lede me out of this
prisoun;
15 for theuelich Y am had a wey
fro the loond of Hebrew, and here an
ynnocent Y am sent into a laak.
16 Seynge
the mayster of bakers that he hadde vndo
wiseli the sweuen, seith, And I saw&yogh; a
sweuen, that I hadde three basketis of
melow vpon myn heed,
17 and yn the o
basket, that was hei&yogh;er, Y trowide me to
bere al maner metis that ben made with
bakers craft, and bryddis to eet therof.
-- --
18 And Joseph answeride, This is the vndoyng
of the sweuen; thre baskettis thre
&yogh;it dayes ben,
19 aftir whom Pharao shal
take a wey thin heed, and shal honge
thee in the crosse, and fowlis shulen teere
thi fleish.
20 And fro thens the thridde day
was the birthe day of Pharao, the which
makynge a greet feeste to his children,
recordid amonge the meetis of the mayster
of botlers, and of the prince of bakers;
and restoryde the tother into his place,
21
that he brynge forth drynke to the kyng,
the tother he hongide in a gibite,
22 that
the sothnes of the remener were proued.
23 And neuerthelater after fallynge welsum
thingis, the prouest of botelers for&yogh;ete of
his dreem reder.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|