Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XXXIX.
1 Thanne Joseph was lad into Egepte,
and bou&yogh;t hym Putiphar, the geldyng of
Pharao, the prince of his oost Egipcien,
fro the hondis of Ismaelitis, of whiche
he was brou&yogh;t.
2 And the Lord was with
him, and he was a man in alle thingis
welsumly doynge. And he dwellide in
the hows of his lord,
3 the which altherbest
knewe the Lord to be with hym,
and alle thingis that he shulde doon, of
hym to be greithid in the hoond of hym.
4 And Joseph fonde grace bifore his lord,
and mynystride to hym, of whom bifore
putte to alle thingis, gouernede the hows
takun to hym, and alle thingis that to
hym weren bitau&yogh;t.
5 And the Lord
blisside to the hows of the Egipcyen for
Joseph, and multipliede, as wel in howsys
as in feeldis, al the substaunce of hym;
6 ne eny thing other knewe but the breed
that he eete. And Joseph was fayr in
face, and seemly in si&yogh;t.
7 And so after
many dayes the ladi keste hir eyen in
Joseph, and seith, Sleep with me;
8 the
which not assentynge to the shrewid
dede, seide to hir, Loo! my lord alle
thingis to me takun, vnknowith what he
hath in his hows,
9 ne eny thing is, that is
not in my power, or hath not takun to
me, saue thee, that art the wijf of hym;
how thanne may Y that yuel don, and
synne in my God?
10 With siche maner
wordis bi alle daies thei speken, and the
womman was greuyd to the &yogh;onge man,
and he refuside the hordom.
11 It felle
forsothe a day, that Joseph shulde goo
into the hows, and sumwhat of werk he
shulde do with outen witnessis.
12 And
-- --
she, the hemme takun of the clothing of
hym, shulde seye, Slep with me; the
which, forsakun the mantil in the honde
of hir, flei&yogh;, and &yogh;ede oute.
13 And whanne
the womman hadde seen the cloth in hir
hondes,
14 and hir to be dispisid, clepide to
hir men of hir hows, and seide to hem,
Loo! he hath brou&yogh;t yn an Ebrew man,
that he shulde bigile vs; he was comun
yn to me, that he shulde togidere goo
with me, and whanne Y hadde vndercried,
and he herde my voys,
15 he forsoke
the mantil that I heelde, and flei&yogh; out.
16 Thanne in argument of bileue, the holdun
mantil she shewide to the housbonde
turnynge a&yogh;en hoom.
17 And seith, To me
is comun yn an Ebrew seruaunt, whom
thow hidir brou&yogh;tist, that he shulde bigijl
me;
18 and whanne he hadde seen me to
crye, he forsoke the mantil that I heelde,
and flei&yogh; out.
19 Thes thingis herd, and
the lord to mych leueful to the wordis of
the wijf, was ful wroth;
20 and toke Joseph
into prysoun, where the gyued men
of the kyng weren kept, and he was there
closid.
21 The Lord forsothe was with Joseph,
and hauynge rewthe of hym, &yogh;aue
to hym grace in the si&yogh;t of the prince of
the prysoun,
22 the which toke in the hond
of him alle the gyued men that weren
holdun in kepyng, and what thing was
doon was vndur hym,
23 ne he knewe eny
thing, alle thingis takun to hym; the
Lord forsothe was with hym, and made
redi alle the werkys of hym.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
