Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XXV.
1 Abraham forsothe toke another wijf,
Cethura by name,
2 the which bare to hym
Zamram, and Jexam, and Madan, and
Madian, and Jesboth, and Sue.
3 And
Jexam gat Saba, and Dadan. The sones
of Dadan weren Assurym, and Latusim,
Laomym.
4 And forsothe of Madian was
sprongun Epha, and Epher, and Enoch,
and Abida, and Eldaa; alle thes the sonys
of Cethure.
5 And Abraham &yogh;aue alle that
he had to Ysaac;
6 to the sonys forsothe
of the secoundarye wyues he &yogh;aue &yogh;iftis;
and he seueryde hem fro Ysaac, his sone,
&yogh;it while he lyuede, to the est plage.
7 And
the dayes of the lijf of Abraham weren
an hundryd and seuenti and fyue &yogh;eir;
and failynge he was deed in a good elde,
8
and of greet age, and ful of dayes, and
he was gaderyd to his puple.
9 And Ysaac
and Ysmael, his sonys, biryeden hym in
the dowble spelunk, the which is set in
the feeld of Ephron, sone of Seor Ethei,
forn a&yogh;ens Mambre,
10 that he bou&yogh;te of
the sones of Heth; there he was byried
and Sara his wijf.
11 And after the obite
of hym God blisside to Ysaac, his sone,
which dwellid bisidis the pit of hym
liuynge and seiynge bi name.
12 Thes ben
the generaciouns of Ysmael, the sone of
Abrahe, whom bare to hym Agar the
Egipcian, the seruaunt of Sare;
13 and thes
the names of the sones of hym, in names
and in his generaciouns. The first gotun
of Ysmael, Nabaioth, thanne after Sedar,
and Abdaeel,
14 and Mabsan, and Masma,
and Duma,
15 and Massa, and Adad, and
Thema, and Ychur, and Naphir, and
Cedma.
16 Thes ben the sones of Ysmael,
and thes the names, bi castelis and towns
of hem, the twelue princis of his lynages.
17 And the &yogh;eers of the lijf of Ysmael ben
maad an hundrid and seuene and thritti,
and faylynge died, and was put to his
puple.
18 He dwellid forsothe fro Euila to
-- --
Sur, which biholdith Egipt hem comyng
ynne to the Assyryes; bifore alle his
britheren he died.
19 And thes ben the generaciouns
of Ysaac, the sone of Abraham.
20 Abraham gat Ysaac, the which, whan he
was of fourti &yogh;eer, took a wijf, Rebecca,
the dow&yogh;ter of Batuel, of Syre of Mesopotany,
the sister of Laban.
21 And Ysaac
preyede the Lord for his wijf, ther thur&yogh;
that she was bareyn; the which herde
hym, and &yogh;aue conceyuyng to Rebecca.
22 But the litil children in the womb of hir
weren hurtlid to gidere; the which seide,
If thus it was to com to me, what nede
was to conseyue? And she &yogh;ede to counseil
the Lord,
23 the which answerynge,
seith, Two folk ben in thi wombe, and
two puplis of thi wombe shulen be dyuydid,
and a puple a puple shal ouercom,
and the moor shal serue to the
lesse.
24 Now tyme of beryng was comen,
and loo! twynlingis in the wombe of hir
weren foundun.
25 He that first was goon
out was brown, and al in maner of a
skyn row&yogh;; and the name of hym was
clepid Esau.
26 Anoon aftir the tother
goynge out, helde with his hoond the forther
parti of his brother foot; and therfor
she clepide him Jacob. Sixti &yogh;ere was
Ysaac whanne the children weren born.
27 The whiche wexen, Esau was maad a
slei&yogh; man of huntyng, and a man erthe
tilier; Jacob forsothe a symple man
dwelte in tabernaclis.
28 Isaac louede Esau,
there thur&yogh; that he ete of the huntingis of
him; and Rebecca louede Jacob.
29 Jacob
forsothe hadde sothun potage; to whom
whan Esau was comen wery fro the felde,
seith,
30 &YOGH;if to me of this brown sething, for
Y am ful wery; for the which cause the
name of hym was clepyd Edom.
31 To
whom seide Jacob, Sel me the ry&yogh;tis of
thi fyrst getyng.
32 He answeride, Loo!
I dye, what shal profyt to me the ri&yogh;tis
-- --
of my first getyng?
33 Jacob seide, Thanne
sweer to me. Thanne Esau swoor, and
soold the ri&yogh;tis of his first getyng.
34 And
so breed takun and the sowil of potage,
ete, and dronk, and &yogh;ede forth, settynge
at nou&yogh;t that he hadde soold the ri&yogh;tis of
his firste getyng.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|