Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XX.
1 Abraham thens gon into the sowth
londe, dwellide bitwix Cades and Sur,
and he was pilgrym in Gererys;
2 and he
seide of Sara, his wijf, My sistyr she is.
Thanne sende Abymalech, the kyng of
Gerere, and toke hyr.
3 God forsothe com
to Abymalech bi sweuyn in the ni&yogh;t, and
seide to hym, Lo! thow shalt die, for the
wijf that thow hast takun, for she hath
a man.
4 Abimalech forsothe had not
towchid hir, and seith, Lord, whether an
vnkunnynge folk of kynde and a ry&yogh;twys
thow shalt slee?
5 Seide he not to me, my
sistir she is, and she seith, my brother
he is? In symplenes of myn herte, and
clennes of myn hondis I dide this.
6 And
the Lord seide to hym, I knowe that
thur&yogh; symplenes of herte thow didist, and
therfor Y kepte thee, that thow shuldist
not synne in me, and I suffryde not that
thow shuldist towche hyr;
7 now thanne
&yogh;elde the wijf to hir man, for a prophet
he is; and he shal preie for thee, and
thow shalt lyue; if sotheli thow wolt
not &yogh;eldyn, wite thow that thur&yogh; deeth
thow shalt die, thow and alle that ben
thin.
8 And anoon of the ny&yogh;t rysynge,
Abimalech clepide alle his seruauntis, and
spake alle thes wordis in the eeris of
hem; and alle men dredden hem greetli.
9 Abymalech forsothe clepide also Abraham,
and seide to hym, What hast thow
don to vs? what han we synned in thee,
for thow hast brou&yogh;t ynne vpon me and
vpon my rewme a greet synne? thingis
that thow shuldist not do thow hast don
to vs.
10 And eftsonys askynge seith, What
hast thow seen that that thow shuldist
don?
11 Abraham answeryde, I thou&yogh;te with
my silf, seiynge, perauenture the drede
of God is not in this place, and thei shal
sle me for my wijf;
12 ellis forsothe and
verreili my sister she is, the dow&yogh;ter of
my fadir, and not the dow&yogh;ter of my modir;
and I toke her into a wyif;
13 and
-- --
sith God led me out fro the hows of my
fadir, I seide to hir, This mercy thow
shalt do with me in al place to which we
shulen go to; thow shalt sey, that thi
brother Y am.
14 Thanne Abymalech toke
sheep, and oxen, and seruauntis, and
handmaydens, and &yogh;aue to Abraham;
and &yogh;ildide to hym Sara,
15 his wijf, and
seith, The lond is bifore &yogh;ow; where
euer it shal plese to thee, dwel.
16 And to
Sara he seide, Lo! a thowsynd pens of
siluer I haue &yogh;ouun to thi brother; this
shal be to thee into veyl of eyen to alle
that ben with thee; and whidir euer
thow shalt gon, haue mynde thee otaken.
17 Abraham forsothe preiynge, God
helide Abymalech, and wijf, and hand
maydenes of hym, and beren child;
18 God
forsothe had closid al the womb of the
hows of Abymalech, for Sara, Abrahams
wijf.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|