Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. LXIII.
1 Who is this that cam fro Edom, with
steyned clothis fro Bosra? this shapli in
his stole, goende in the multitude of his
vertue? I that speke ri&yogh;twisnesse, and a
forfy&yogh;tere am to sauen.
2 Why thanne red
is thi clothing? and thi clothis as of men
tredende in the presse?
3 The presse I
trad alone, and of the folc of kinde ther
is not a man with me; Y trad hem in
my wodnesse, and togedere trad hem in
my wrathe; and sprengd is the blod of
hem vp on my clothis, and alle my clothingus
I defoulid.
4 Dai forsothe of veniaunce
in myn herte, &yogh;er of my &yogh;elding
cam.
5 I beheeld aboute, and ther was not
an helpere; I so&yogh;te, and ther was not
that halp; and myn `arm sauede to me,
and myn indignacioun itself halp to
me.
6 And I al to-trad puples in my
wodnesse; and I drunknede them in myn
indignacioun, and dro&yogh; doun the vertue
of them into erthe.
7 Of the mercy doyngus
of the Lord I shal recorden, the
preising of the Lord vp on alle thingus
that &yogh;eeld to vs the Lord, and vp on the
multitude of the goodis to the hous of
Irael, the whiche he largeli &yogh;af to them
after his for&yogh;yuenesse, and aftir the multitude
of his mercies.
8 And he seide,
Nerthelatere `my puple is, sonus not denyende,
and mad is to them a saueour.
9 In alle the tribulacioun of hem he is not
trublid, and the aungil of his face sauede
hem. In his loue and in his indulgence
he a&yogh;een bo&yogh;te them, and bar hem, and
rerede them alle the da&yogh;es of the world.
-- --
10 Thei forsothe to wrathe terreden, and
tormenteden the spirit of his hoeli; and
turned he is to them in to enemy, and
he fa&yogh;t them doun.
11 And he recordide
of the da&yogh;es of the world, of Moises, and
of his puple. Wher is, that ladde them
out fro the se, with the shepperdis of his
floc? Where is, that sette in his myddel
the spirit of his hoeli;
12 that ladde oute at
the ri&yogh;tside Moisen in the arm of his
mageste? that kutte watris bifor them,
that he make to hym a name euere durende;
13 that ladde out them bi water
depthis, as an hors in desert not fallende,
14 as a beste in the feeld goende doun?
The Spirit of the Lord his ledere was;
so thou bro&yogh;tist to thi puple, that thou
make to thee a name of glorie.
15 Loke
to fro heuene, and see fro thin hoely
dwelling, and fro the se of thi glorie.
Wher is thin inward loue, and thi
strengthe, multitude of thi boweles, and
of thi mercy doyngus? Vp on me thei
withheelden hem.
16 Thou forsothe oure
fader, and Abraham kne&yogh; not vs, and
Irael vnkne&yogh; vs.
17 Thou, Lord, oure fader,
and oure a&yogh;eenbiere; fro the world thi
name. Whi to erren vs thou madist, Lord,
fro thi weies? thou hardedist oure herte,
that wee dredde not thee? be turned, for
thi seruauns, lynages of thin eritage.
18 As
no&yogh;t thei weldeden thin hoeli puple, and
oure enemys al to-treeden thin halewyng.
19 Wee ben maad as in the bigynnyng,
whan thou lordshipedist not of vs, ne
inwardli was clepid thi name vp on vs.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|