Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. LV.
1 Alle &yogh;ee thristende, cometh to watris,
and &yogh;ee that han not siluer, goth forth,
-- --
bieth, and eteth; cometh, bieth, withoute
siluer and withoute any chaffaring,
wyn and mylc.
2 Whi poote &yogh;ee vp siluer,
not in loeues, and &yogh;oure trauailing, not
in filling? Hereth &yogh;ee herende me, and
eteth good thing, and delite shal in fatnesse
&yogh;oure soule.
3 Bowith in &yogh;oure ere,
and cometh to me; hereth, and lyuen
shal &yogh;oure soule; and I shal smyte with
&yogh;ou euere lastende couenaunt, the feithful
mercies of Dauid.
4 Lo! witnesse I
&yogh;af hym to puples, duke and comaundere
to Jentiles.
5 Lo! the folc of kinde, that
thou knewe not, thou shalt clepen; and
the folc of kinde, that thee kne&yogh; not, to
thee shul rennen; for the Lord thy God,
and the hoeli of Israel, for he glorifiede
thee.
6 Secheth the Lord, whil he mai be
founde; inwardli clepeth hym, whil he
is ny&yogh;.
7 Forsake the vnpitous his weie,
and the wicke man his tho&yogh;tes; and turne
a&yogh;een to the Lord, and he shal haue mercy
of hym, and to oure God, for myche he
is to for&yogh;yue.
8 Forsothe not my thenkingus
&yogh;oure thenkingus, ne my weies &yogh;oure
weies, seith the Lord.
9 For as enhauncid
ben heuenus fro erthe, so enhauncid ben
my weies fro &yogh;oure weyes, and my tho&yogh;tus
fro &yogh;oure tho&yogh;tus.
10 And what maner cometh
doun weder and sno&yogh; fro heuene, and
thider no mor is turned a&yogh;een, but drunkneth
the erthe, and heeldeth in to it, and
to buriowne maketh it, and &yogh;yueth sed
to the sowere,
11 and bred to the etere, so
shal be my wrd, that shal gon out of
my mouth. It shal not be turned a&yogh;een
voide to me, but shal do what euere
thingus I wolde, and shal be welsum in
tho thingus to whiche I sende it;
12 for in
gladnesse &yogh;ee shul gon oute, and in pes
&yogh;ee shul be lad thennus. Mounteynes and
hilles shul singe bifor &yogh;ou preising, and
alle the trees of the regioun shal flappe
for io&yogh;e with hond.
13 For the thorny erbe
that is clepid saliunka, shal stee&yogh;en vp
-- --
a firr tree, and for the nettle shal growe
the tre that is clepid myrt; and the Lord
shal be nemned in to an euer lastende
tocne, that shal not ben don awei.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
