1   Nee&yogh; is that come the tyme of hym, and his da&yogh;es shul not be longid; shal han rewthe forsothe the Lord of Jacob, and cheese &yogh;it of Irael, and to resten hem he shal make vp on ther erthe; `shal be ioyned to a comeling to them, and cleue to the hous of Jacob. 2   And shuln holden hem puples, and bringe them in to ther place. And shal welden hem the hous of Irael vp on the lond of the Lord in to thralles and thrallesses; and thei shul be takende hem that hem hadden taken, `and sugeten ther `casteres out. 3   And ther shal be in that dai, whan reste shal &yogh;yue to thee God fro thi trauaile, and fro thin hurting, and fro thin harde seruage, that thou beforn seruedist, 4   thou shalt take this parable a&yogh;en the king of Babiloyne, and seyn, What manere cesede the `wronge asker, restede the tribute? 5   The Lord to-brosede the staf of vnpitous men, the &yogh;erde of lordshipende men, 6   betende puples in indignacioun, with an vnheleable plage, the sogetende in wodnes the folkes of kynde, and the pursuende cruelly. 7   Togidere restede, and was stille al erthe; io&yogh;ede, and ful out gladede. 8   Fyrre trees also gladeden vp on thee, and the cedris of Liban; sithen thou sleptest, ther ste&yogh;ede not vp that heewe vs doun. 9   Helle vndere thee is disturbid in to the a&yogh;en comyng of thi comyng; it shal rere to thee ieauntes; alle the princes of the erthe ther risen fro ther setes, alle the princes of naciouns. 10   Alle shuln answern, and seyn to thee, And thou art woundid as and wee, lic vs thou art mad. 11   Drawe

doun is to helle thi pride, he to-hew&yogh; thi careyn; vnder thee strouwed `shal be a mo&yogh;te, and thi coueryng shal be wermes. 12   Hou felle thou, Lucyfer, fro heuene, the whiche erli sprunge; thou felle in to the erthe, that woundedest the folkes of kynde. 13   That seidest in thin herte, In to heuene I shal ste&yogh;en vp, vp on the sterres of heuene I shal enhaunce my see; I shal sitte in the hil of testament, in the sides of the north. 14   I shal ste&yogh;en vp vp on the hei&yogh;te of cloudis; lic I shal be to the he&yogh;est. 15   Nerthelatere to helle thou shalt be drawe doun, in to the depthe of the lake. 16   That thee shul see, to thee shul be bowid, and thee shuln aferr bihold. Whether this is the man, that disturbide the erthe, that smot togidere rewmes? 17   that putte the world desert, and his grete cites distro&yogh;ede, to his gyuede openede not the prisoun? 18   Alle the kingus of Jentilis, eche slepten in glorie, eche in his hous. 19   Thou forsothe art cast aferr fro thi sepulcre, as a stoc vnprofitable, as with quyture defoulid; and aboute wrappid with hem that ben slayn with swerd, and wenten doun to the foundement of the lake. As a stynkende careyn, 20   thou shalt not han felashepe, ne with hem in biriyng thou shalt be, thou forsothe thi lond distro&yogh;edist, thou the puple sloow; ether shal not be clepid into withoute ende the sed of the werste men. 21   `Greithe &yogh;e his sones to sla&yogh;ter, for the wickidnesse of ther fadris; thei shul not togidere rise, ne eritagen the erthe, ne fulfille the face of the roundnesse of the cite. 22   And I shal with rise vp on hem, seith the Lord of ostes, and I shal destro&yogh;e Babyloynes name, and relikes, and progenye, and buriounyng, seith the Lord. 23   I shal putte it in to the possessioun of an irchoun, and in to myres of watres; and I shal sweepen it in a besme, treding, seith the

Lord of ostes. 24   The Lord of ostus swoor, seiende, If not as I wende, so shal be, and hou in mynde I tretede, 25   so shal come? That I al to-brose Assirie in my lond, in my mounteynes to-trede it; and ther shal be take awey fro hem his &yogh;ok, and his berthene fro the shnlder of them shal be don awey. 26   This the counseyl that I tho&yogh;te vpon al erthe, and this is the hond stra&yogh;t out vpon alle Jentiles. 27   The Lord forsothe of ostes demede, and who shal moun vnfastnen? and his hond stra&yogh;t out, and who shal turne awey it? 28   The charge of Filisteym. In the &yogh;er that diede king Achaz, don is this charge. 29   Ne glade thou, al Filistee, for to-mynusht is the &yogh;erde of thi smytere; of the roote forsothe of the shadewe eddere shal gon out a kocatrice, and his sed soupende awei a foul. 30   And ther shul be fed the first goten of pore men, and pore men trostly shul resten; and to dien I shal make in hunger thi roote, and thi relikes I shal slen. 31   &YOGH;elle, thou &yogh;ate; crie, thou cite; throwe doun is eche Filiste; fro the north forsothe smoke shal come, and ther is not that flee out of his kumpanye. 32   And what shal ben answerd to the messageres of the folc of kinde? for the Lord foundede Sion, and in hym shuln hopen the pore men of his puple.

Previous section

Next section