Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. IX.
1 God of my fadris, and Lord of mercy,
that madest alle thingus with thi wrd,
and with thi wisdam ordeynedest man,
2
that he shulde lordshepen of creature,
-- --
that of thee is mad,
3 that he dispose
the roundnesse of londis in equyte and
ri&yogh;twisnesse, and in ri&yogh;t reuling of herte
he deme dom;
4 &yogh;if to me wisdam, the
nee&yogh;h stondere of thi setis; and wile
thou not me repreuen of thi childer.
5 For
I am thi seruaunt, and the sone of thin
hand woman; a feble man, and of litil
time, and lasse to the vndirstonding of
dom and of lawes.
6 And if any man shul
ben ful endid of the sonus of men, if fro
hym flee wisdam, in to no&yogh;t he shal be
countid.
7 Thou forsothe chose me king
to thi puple, and domysman of thi sonus
and do&yogh;tris;
8 and thou seidist, me to
bilden a temple in thin holi hil, and in
the cite of thi dwelling an auter; the
licnesse of thin holi tabernacle, that thou
greithedist fro the begynnyng.
9 And with
thee thi wisdam, that kne&yogh; thi werkis,
the whiche and was at thanne, whan the
roundnesse of erthis thou shuldist make,
and he wist that, that was plesaunt to
`thin e&yogh;en, and that, that is ri&yogh;t in thin
hestis.
10 Send fro thin holi heuenes it,
and fro the sete of thi mychilnesse, that
with me it be, and with me trauaile;
and I wite what be aloouwid anent thee.
11 Forsothe it wot alle thingus, and vndirstandith;
and shal leden me forth in my
werkes sobrely, and kepen me in his
power.
12 And my werkys shul ben aloouwid,
and I shal disposen thi puple ri&yogh;twisly,
and I shal ben wrthi the setes of
my fader.
13 Who forsothe of men shal
moun wite the counseil of God? or who
shal moun thenke, what God wile?
14 The
tho&yogh;tis forsothe of deadli men dredful,
and vncerteyn oure purueauncis.
15 Forsothe
the body that is corumpid, greeueth
the soule; and ertheli indwelling
presseth doun the wit, manye thingus
thenkende.
16 And of hard wee eymen,
that ben in the erthe; and that in ferr
si&yogh;te ben, we finden with trauaile.
17 That
forsothe in heuenus ben, who shal enserche?
-- --
Thi wit forsothe who shal
knowe, but if thou shul &yogh;yue wisdam,
and sende thin Holi Spirit fro he&yogh;est
thingus?
18 And so amendid ben the pathis
of hem, that ben in erthis, and that to
thee pleseden, men lerneden.
19 For whi
bi wisdam thei ben helid, who so euer
pleseden to thee, Lord, fro the bygynnyng.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|