Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. II.
The vois of Crist, of hym and of the
Chirche.
1 I the flour of the feeld, and the
lilie of aleyes.
2 As a lilie among thornes,
so my leef among do&yogh;tres. The vois of
the Chirche of Crist.
3 As an appil tree
among the trees of wodis, so my lemman
-- --
among. sones. Vnder the shadewe of
hym, whom I hadde desirid, I sat; and
his frut sweete to my throte.
4 The king
ledde me in his win celer; he ordeynde
in me charite.
5 Vnder ley &yogh;ee me with
floures, setteth me aboute with appelis;
for I languyshe for looue. The vois of
the Chirche of Crist.
6 The lift hond of
hym vnder myn hed; and his ri&yogh;t hond
shal clippe me. The vois of Crist, of the
Chirche.
7 I adiure &yogh;ou, &yogh;ee do&yogh;tris of
Jerusalem, bi the capretes, and the hertes
of feeldis, ne rere &yogh;ee, ne maketh my
leef to waken, to the time that she wile.
8 The vois of the Chirche, of Crist. The
vois of my lemman; lo! this cometh
lepende in mounteynes, and ouer lepende
hillis.
9 Lic is my lemman to a capret,
and to an hert calf of hertis; lo! he
stant bihynde oure wal, biholdende bi
the windowes, aferr lookende thur&yogh; the
latises.
10 Lo! my lemman speketh to me,
Ris, go thou, my leef, my culuer, my
shapli,
11 and cum; now forsothe wintre
passede, weder &yogh;ide fro, and is gon awei.
12 Floures apereden in oure lond, time of
kutting is come; the vois of the turtil
is herd in oure lond,
13 the fige tree bro&yogh;te
forth his first figus; the vynes flourende
&yogh;iuen ther smel. The vois of Crist to
the Chirche. Ris, go, my leef, myn
shapli, and cum thou.
14 My culuer in the
holis of the ston, in the chyne of a ston
wal. Shewe thou to me thi face, soune
thi vois in myn eres; thi vois forsothe
is swete, and thi face semeli. The vois
of Crist to the Chirche, a&yogh;en eretikis.
15 Take &yogh;ee to vs litle foxes, that destro&yogh;en
vynes; for oure vyne flourede. The vois
of the Chirche of Crist.
16 My looued to
me, and I to hym, that is fed among
lilies;
17 to the time that the dai springe,
and shadewes be bowid in. Turne a&yogh;een;
-- --
lic be thou, O! my lemman, to a capret,
and to the hert calf of hertis, vpon the
mounteynes of Bethel.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
