Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. I.
1 The Chirche, of the comyng of Crist
spekith, seiende, Kisse he me with the
cos of his mowth. The vois of the Fader.
For betere ben thi tetes than wyn,
smellende with best oynemens.
2 The vois
of the Chirche. Oile held out, thi name;
therfore the &yogh;unge waxende wymmen
looueden thee ful myche. The vois of
the Chirche to Crist.
3 Dra&yogh; me aftir thee;
wee shul rennen in the smel of thin
oynemens. The Chirche seith of Crist.
Bro&yogh;te me in the king in to his celeris;
wee shul ful out io&yogh;en, and gladen in
thee, myndeful of thi tetes, vp on wyn;
ri&yogh;t men loouen thee. The Chirche of
hir tribulaciouns.
4 O! &yogh;ee do&yogh;tris of Jerusalem,
blac I am, but shapli, as the
tabernacles of Cedar, as the skynnes of
Salamon.
5 Wileth not beholden, that I
-- --
be broun, for discoloured me hath the
sunne; the sonus of my moder fo&yogh;ten
a&yogh;en me, thei setteden me kepere in
vynes; my vyne&yogh;erd I kepte not. The
vois of the Chirche to Crist.
6 Shew thou
to me, whom looueth my soule, wher
thou &yogh;iuest leswe, wher thou ligge in
myddai; lest to gon vagaunt I bygynne,
aftir the flockis of thi felawis. The
vois of Crist to the Chirche.
7 If thou
knowest not thee, O! thou most fair
among wymmen, go out, and go awei
after the steppis of thi flockis; and feed
thi got, biside the tabernacle of shepperdis.
8 To my riding in charis of Farao
I licnede thee, O! my leef.
9 Faire ben
thi cheekes, as of a turtil; thi necke
as brooches.
10 Goldene ribanes wee shul
make to thee, mad fijr red with siluer.
11 The vois of the Chirche of Crist. Whan
the king was in his liyng place, my
mad encens &yogh;af his smel.
12 A bundelet
of myrre my lemman is to me; betwe
my tetes he shal dwelle.
13 The clustre of
cipre tree my lemman to me, in the
vynes of Engaddy. The vois of Crist
to the Chirche.
14 Lo! thou art fair, my
leef; lo! thou fair, thin e&yogh;en of culueres.
15 The vois of the Chirche to Crist. Lo!
thou art fair, my lemman, and semeli;
oure bed shynende.
16 The trees of oure
houses cedre; oure couplis cipresse.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
