Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XII.
1 Haue mynde of thi creatour in the
da&yogh;is of thi &yogh;outhe, and er time come of
tormenting, and ne&yogh;hen the &yogh;eres, of the
whiche thou seye, Thei plesen not to me.
2 Er the sunne waxe derc, and li&yogh;t, and
sterres, and moone; and the cloudis
-- --
turnen a&yogh;een after reyn.
3 Whan shul be
moued the keperes of the hous, and the
most strong men wageren; and idil
shuln ben the wymmen grindende in a
litil noumbre, and seende bi holes shul
waxe derc;
4 and closen the dores in the
strete, in the meknesse of the vois of hir
grindende; and thei shul rise at the vois
of the brid, and alle the do&yogh;tris of the
song shul become doumb.
5 He&yogh;e thingus
also shul dreden, and quaken in the
weie; the almaunder shal flouren, and
the locust shal be mad fat, and the erbe
caperis shal be scatered; for a man shal
gon in to the hous of his euerlastingnesse,
and men weilende shul gon aboute
in the strete.
6 Er be to-broke the silueren
corde, and a&yogh;een come the goldene
filet, and the stene be to-brosid vp on
the welle, and to-broke be the wheel vp
on the cisterne;
7 and pouder turne a&yogh;een
in to his erthe, whenes he was, and the
spirit go a&yogh;een to God, that &yogh;af it.
8 Vanyte
of vanytes, seide Eclesiastes, vanyte
of vanytes, and alle thingus vanyte.
9 And whan Eclesiastes was most wis, he
ta&yogh;te the puple, and tolde out what `he
hadde do,
10 and enserchende made manye
parablis; he so&yogh;te profitable wrdis, and
wrot most ri&yogh;t sermounes, and ful of
treuthe.
11 The wrdis of wise men as
prickes, and as nailes in to hei&yogh;te pi&yogh;t,
that bi the counseiles of maistris ben
&yogh;iuen of oon shepperde.
12 More than
these, sone myn, ne seche thou; of
making manye bokis is noon ende, and
ofte bethenking is tormenting of the
flesh.
13 Eende of speking alle heere wee
togidere. Dred God, and his hestis
-- --
kep; that is, eche man.
14 Alle thingus
that ben mad, he shal bringe in to
dom; for eche errid thing, whether good
or euel it be.
Here endith Ecclesiastes, and here
bigynneth the book, that is clepid
Soongis of Soongis, of the bridalis of
Crist and of the Chirche.
-- --
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
