Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XI.
1 Send thi bred vp on men passende
watris, for after manye times thou shalt
finden it.
2 &YOGH;if partis seuene, and also
ei&yogh;te; for thou knowist not, what be to
-- --
comen of euelis vp on erthe.
3 If the
cloudis weren fulfild, weder vp on erthe
thei shul heelden out; if the tree shul
falle to the south, or to the north, in
what euere place it shul falle, there it
shal be.
4 Who waiteth wind, sowith not;
and who biholdith cloudis, neuermore
shal repe.
5 What maner wise thou knowest
not, what be the weie of the spirit,
and bi what resoun bones ben ioyned in
the wombe of the womman with childe,
so thou wost not the werkes of God, that
is forgere of alle thingus.
6 Erli sowe thi
seed, and at eue ne cese thin hond; for
thou wost neuer, whiche more growe,
this or that; and if either togidere, the
betere shal be.
7 Sweete the tree, and delitable
is to e&yogh;en to seen the sunne.
8 If
manye &yogh;eres a man lyuede, and in alle
these thingus were glad, he owith to han
mynde of the derke tyme, and of many
da&yogh;es; the whiche whan thei shul come,
of vanyte shul ben vndernomen the passed
tymes.
9 Thanne glade thou, &yogh;unge
man, in thi waxende age, and in good
be thin herte in the da&yogh;es of thi &yogh;outhe,
and go in the weies of thin herte, and in
the si&yogh;te of thin e&yogh;en; and wite thou,
that for alle these thingus God shal
bringe thee in to dom.
10 Do awei wrathe
fro thin herte, and put awei malice fro
thi flesh; forsothe waxende age and voluptuouste
ben veyn.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
