Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. VII.
1 My sone, kep thou my woordis; and
myne hestis ley vp to thee. Sone, honoure
thou the Lord, and thou shalt fare
wel; biside hym forsothe thou shalt not
dreden an other.
2 Kep my maundemens,
and thou shalt liue; and my lawe as the
appil of thin e&yogh;e.
3 Bind it in thi fingris;
wryt it in the tablis of thin herte.
4 Sey
to wisdam, My sister thou art; and prudence
clep thou thi lemman.
5 That it kepe
thee fro a straunge womman; and fro an
alien, that hir woordis maketh sweete.
6 Fro the windowe forsothe of myn hous
bi the latys I beheeld the &yogh;unge man;
and I see litle childer.
7 I beholde the sori
hertid &yogh;unge man,
8 that passeth thur&yogh; the
stretis, biside the corner; and ne&yogh; the weie
of that hous goth in derc,
9 the dai waxende
to euen, in the ny&yogh;tis dercnessis and
mystynesse.
10 And lo! a womman a&yogh;en
cam to hym, with strumpet aray befor
maad redi to the soulis to be desceyued,
a chaterere,
11 and vagaunt of reste, vnpacient,
ne mowende in the hous abide stille
with hir feet;
12 now withouteforth, now
in the stretys, now beside the corneres
aspiende.
13 And the ca&yogh;te &yogh;unge man she
kisseth; and with wowende chere she
flatereth,
14 seiende, Sacrifises of victorie
-- --
for helthe I haue gretli vouwid; to dai
I haue &yogh;olde my vouwis.
15 Therfore I wente
out in to thin a&yogh;en comyng, desirende
thee to seen; and I haue founde.
16 I haue
ara&yogh;id with cordis my litil bed, and spred
with peintid tapitis of Egipt;
17 I ha
sprengd my ligging place with myrre,
and aloes, and canell.
18 Cum, and be wee
inwardli drunke with tetes, and vse wee
the coueitid clippingis; to the time that
the dai waxe li&yogh;t.
19 There is not a man in
hir hous; he &yogh;ide awei the most ferr
weie.
20 The bagge of his monee he toc
with hym; in the dai of the fulle moone
he is to turne a&yogh;een in to his hous.
21 She
grenede hym with manye woordis; and
with flatering of lippis she fordro&yogh; hym.
22 Anoon he folewith hir, as an oxe lad to
the sacrifise of victorie; and as a lomb
pleiende and vnknowende, that to bondis
the fool is drawe,
23 to the time that the
arwe thirle thur&yogh; his mawe. As if a brid
hee&yogh;e to the grene; and wot not, that of
the perile of his lif me purposeth.
24 Now
thanne, sone myn, here thou me; and tac
tente to the woordis of my mouth.
25 Ne
be drawen awei in the weies of hir thi
mynde; ne be thou bigilid in the sties of
hir.
26 Manye forsothe woundid she threw
doun; and alle the strongeste ben slain
of hir.
27 The weies of helle the housis of
hir; persende in to the innermor thingus
of deth.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|