Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XXXI.
3 Ne &yogh;iue thou to wimmen thi substaunce,
and thi richesses to ben don
awei kingus.
4 Wile thou not to kingus,
O! Lamuel, wile thou not to kingus &yogh;iue
win; for no priuyte is, where drunkenesse
regneth.
5 Lest par auenture thei
drinken, and for&yogh;eten domes, and chaungen
the cause of the sonus of the pore.
6 &YOGH;iueth
cither to mornende men, and win to hem
that ben in bitter inwit.
7 Drinke thei,
and for&yogh;ete thei of ther nedynesse; and
of ther sorewe recorde thei no more.
8 Opene thi mouth to the doumbe, and to
-- --
the causes of alle sones that passen,
9 opene
thou thi mouth. Deme that is ri&yogh;twis,
and venge the helpeles and the pore.
10 Aleph. A strong womman who shal
finde? aferr and fro the utmost endis
the pris of hir.
11 Beth. Trosteth in hir
the herte of hir man; and spoiles he
shal not neden.
12 Gimel. She shal &yogh;elde
to hym good, and not euel, alle the da&yogh;es
of hir lif.
13 Deleth. She so&yogh;te wlle and
flax; and wro&yogh;te bi the counseil of hir
hondis.
14 He. She is mad as a ship of
a marchaund, fro aferr bringende hir
bred.
15 Vau. And fro the ny&yogh;t she ros,
and &yogh;af prei to hir homli men, and metis
to hir hand wymmen.
16 Zay. She beheeld
a feeld, and bo&yogh;te it; of the frut of hir
hondis she plauntide a vyne.
17 Heth. She
girde to with strengthe hir leendis, and
made stalwrthe hir arm.
18 Teth. She
tastide, and sa&yogh;, for good is the chaffaring
of hir; shall not ben quenchid in the
ny&yogh;t the lanterne of hir.
19 Joth. Hir
hond she putte to stronge thingus, and
hir fingris ca&yogh;ten the spindle.
20 Caf. Hir
hond she openede to the helpeles, and
hir paumes she stra&yogh;te out to the pore.
21 Lameth. She shal not drede to hir hous
of coldys of sno&yogh;; alle forsothe hir
homli men ben clad with double.
22 Men. A rai cloth she made to hir;
bijs and purpre the clothing of hir.
23 Num. Noble in the &yogh;ates the man of hir,
whan he shal sitte with the senatoures
of the erthe.
24 Sameth. Sendel she made,
and solde; and a litil girdil she toc to
Canane.
25 Ayn. Strengthe and fairnesse
the clothing of hir; and she shal la&yogh;hen
in the laste dai.
26 Fee. Hir mouth she
openede to wisdam; and the lawe of
noble merci in the tunge of hir. Sade.
27 She beheeld the pathis of hir hous; and
idil bred she eet not.
28 Cof. Ther risen
the sones of hir, and most blisful precheden;
-- --
and the man of hir preiside hir.
29 Res. Manie do&yogh;tris gedereden richesses;
thou ouerpassedist alle.
30 Syn. Desceyuable
grace and veyn is fairnesse; the
womman dredende the Lord, she shal be
preisid.
31 Thau. &YOGH;iueth to hir of the
frut of hir hondis; and preisen hir in
the &yogh;ates hir werkis.
-- --
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
