Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XXIX.
1 To the man, that the chastisere with
hard noll dispisith, feerli deth shal come
-- --
vp on to hym; and hym helthe shal not
folewe.
2 In the multepliyng of ri&yogh;twis
men shal gladen the comun; and whan
vnpitous men han taken princehed, the
puple shal weilen.
3 The man that looueth
wisdam, gladith his fader; who forsothe
nurshith an hoore, shal leese substaunce.
4 A ri&yogh;twis king rereth vp the
lond; an auerous man shal destro&yogh;en it.
5 The man that with flateryng and feyned
wrdis spekith to his frend; a net spredith
to his goingis.
6 The sinnende wicke
man a grene shal inwrappe; and the
ri&yogh;twise shal preisen, and io&yogh;en.
7 The
ri&yogh;twise kne&yogh; the cause of pore men;
the vnpitous vnknowith kunnyng men.
8 Bacbitende scateren the cite; wise men
forsothe turnen awei wodnesse.
9 A wis
man if with a fool shul striue; whethir
he la&yogh;he, or wrathe, he shal not finde
reste.
10 Men of blodis hateden the simple;
ri&yogh;twis men forsothe sechen the
soule of hym.
11 Al his spirit bringeth
forth the fool; a wis man berth ouer,
and kepith vnto afterward.
12 A prince
that gladli hereth the wrdis of lesing;
alle the mynystris hath vnpitouse.
13 The
pore and the creaunsour metten togidere;
of either the li&yogh;tnere is the Lord.
14 The king that demeth in treuthe pore
men; the trone of hym in to withoute
ende shal be fastned.
15 &YOGH;erde and correccioun
shal &yogh;elde wisdam; the child forsothe,
that is laft to his wil, confoundith
his modir.
16 In the multipliyng of vnpitous
men shuln ben multiplied hidous
giltis; and the fallingis of hem ri&yogh;twis
men shul see.
17 Lerne thi sone, and he
shal refreshen thee; and he shal &yogh;iue
delices to his soule.
18 Whan prophecie
shal faile, the puple shal ben scaterid;
who forsothe kepith the lawe, is blisful.
19 The seruaunt in wrdis mai not ben
lerned; for that that thou seist, he vndirstant,
-- --
and to answern he dispisith.
20 Hast thou seen a man swift to speken?
folie more is to ben hopid than the correccioun
of hym.
21 Who delicatli fro
childhed nurshith his seruaunt; afterward
shal feelen hym vnobeisaunt.
22 The
man wratheful stireth striues; and he
that is li&yogh;t to han indignacioun, shal be
to synnes more redi.
23 The proude man
lounesse folewith; and the meke man in
spirit glorie shal resceyue.
24 Who with a
theef is parcener, hatith his soule; the
adiurere he hereth, and not shewith.
25 Who dredith a man, soone shal falle; who
hopith in the Lord, shal ben vp rerid.
26 Manye sechen the face of the prince;
and dom of eche shal gon out fro the
Lord.
27 Ri&yogh;twis men wlaten the vnpitous
man; and vnpitous men wlaten hem,
that ben in the ri&yogh;t weie. The sone
kepende the wrd shal ben out of perdicioun.
1 The wrdis of the gederere, vomende
sone.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
