Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XIX.
1 Betere is a pore man, that goth in
simplenes, than a riche man tormentende
his lippis, and vnwis.
2 Wher is not kunnyng
of soule, is not good; and who is
hastif, with feett stumblith.
3 The folie
of a man supplauntith hise goingis; and
a&yogh;en God boileth in his inwit.
4 Richesses
adden manye frendis; fro the pore forsothe
and tho that he hadde, ben seuered.
5 A fals witnesse shal not ben vnpunshid;
and he that lesing speketh, shal not
ascapen.
6 Manye herien the persone of
the my&yogh;ti; and frendis ben of the &yogh;iuende
&yogh;iftis.
7 The brethern of the pore man
hateden hym; ferthermor and frendis
aferr wenten awei fro hym. Who onli
woordis folewith, no thing shal han;
who forsothe weldere is of the mynde,
8
looueth his soule, and the kepere of prudence
shal finde goodis.
9 The false witnesse
shal not ben vnpunshid; and that
speketh lesing, shal pershen.
10 Delicis
semen not the fool; ne the seruaunt to
lordshipen to princis.
11 The doctrine of
a man bi pacience is knowe; and the glorie
of hym is to go biside wicke thingys.
12 As the gnasting of a leoun, so and the
wrathe of the king; and as deu vpon
erbe, so and the gladnesse of hym.
13 The
sorewe of the fader, the sone a fol; and
rooues contynuelli thur&yogh; droppende, a
womman ful of strif.
14 Housis and richessis
ben &yogh;eue of the fadris; of the Lord
forsothe properli a prudent wif.
15 Slouthe
sendeth in slep; and a dissolut soule shal
hungre.
16 Who kepeth the maundement,
kepeth his soule; who forsothe despisith
his weie, shal be maad dead.
17 He vsureth
to the Lord, that hath reuthe of the
pore; and his while he shal &yogh;elde to hym.
-- --
18 Lerne thou thi sone, ne despeire thou;
to the sla&yogh;ter forsothe of hym ne poote
thou thi soule.
19 Who forsothe is vnpacyent,
shal suffre harm; and whan he
shall cacche, other thing he shal putte
to.
20 Here thou counseil, and vndertac
discipline; that thou be wijs in thi laste
thingis.
21 Manye tho&yogh;tis in the herte of
a man; the wil forsothe of the Lord shal
abide stille.
22 A man nedi is merciful;
and betere the pore man ri&yogh;twis, than a
man liere.
23 The drede of the Lord to
lif; and in plenteuousnesse it shal abide
stille, withoute visiting of the werste.
24 The slowe hideth his hond vnder the
arm pit; ne to his mouth he leith it.
25 The `man ful of pestilence scourgid, a
fool the wisere shal ben. If forsothe thou
chastise the wise man, he shal vnderstonde
discipline.
26 Who tormentith the
fader, and fleeth the modir, shenful shal
be, and vnblisful.
27 Cese thou not, sone,
to here doctrine; ne vnknowe thou the
woordis of kunnyng.
28 The wicke wytnesse
scorneth dom; and the mouth of
vnpitous men deuoureth wickidnesse.
29 Greithid ben to scorneres domes; and
smytende hameres to the bodies of foolis.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
