Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XI.
1 A treccherous we&yogh;e abominacioun is
anent God; and an euen wei&yogh;t the wil
of hym.
2 Wher shal be pride, there shal
be wrongful blamyng; wher forsothe is
mecnesse, and there wisdam.
3 Simplenesse
of ri&yogh;twis men shal ri&yogh;t reule them;
and supplaunting of peruertid men shal
waste them.
4 Richessis shul not profiten
in the day of veniaunce; forsothe ri&yogh;twisnesse
shal deliuere fro deth.
5 Ri&yogh;twisnesse
of the simple shal ri&yogh;t reulen his weie;
and the vnpitous in his vnpitousnesse
shal falle.
6 The ri&yogh;twisnesse of ri&yogh;t men
shal deliuere them; and wicke men in
ther aspies shul be take.
7 The vnpytous
man dead, noon hope shal ben ouer; and
the abiding of bisy men shal pershe.
8 The ri&yogh;twis fro anguysh is deliuered;
and shal be take the vnpitous for hym.
9 The feynere in mouth desceyueth his
frend; ri&yogh;twis men forsothe shul ben deliuered
with kunnyng.
10 In goodis of ri&yogh;twis
men shal ben enhauncid the cite;
and in the leesing of vnpitous men shal
ben preising.
11 Thur&yogh; the blessing of ri&yogh;twis
men shal ben enhauncid the cite;
and bi the mouth of vnpitous men it shal
be turned vp so doun.
12 Who desceyueth
his frend, is nedi in herte; the prudent
man forsothe shal be stille.
13 Who goth
gilendeli, shewith priue thingus; who
forsothe is feithful, hilith the gilte of
the frend.
14 Wher is not a gouernour, the
puple fallith; helthe forsothe, wher ben
manye counselis.
15 He shal be tormentid
-- --
with euel, that doth feith for a stranger;
who forsothe shoneth grenes, shal be sikir.
16 A gracious womman shal finden glorie;
and stronge men shuln han richessis.
17 Wel doth to his soule the merciful man;
who forsothe is cruel, casteth awei nee&yogh;h
men.
18 The vnpitouse maketh werc vnstable;
to the sowende forsothe ri&yogh;twisnesse
feithfull mede.
19 Noble mercy shal
greithe lif; and folewing of euelis deth.
20 Abhominable a shreude herte to the
Lord; and his wil in hem, that simply
gon.
21 Hond in hond, shal not ben innocent
the euele man; the sed forsothe of
ri&yogh;twis men shal be saued.
22 A goldene
cercle in the nosethirlis of a souwe, a
fair womman and a fool.
23 The desir of
ri&yogh;twis men alle good thing is; the abiding
of vnpitous men wodnesse.
24 Othere
men deuyden proper thingus, and ben
maad richere; othere reuen not their
owne, and euermor ben in nedynesse.
25 The lif that blisseth, shal ben inwardli
fattid; and he that maketh inwardli
drunken, also hymself shal ben inwardli
maad drunken.
26 He that hideth whete in
time, shal be cursid in puplis; blessing
forsothe vp on the hed of silleris.
27 Wel
riseth erli, that secheth goodis; who forsothe
is enserchere of euelis, of hem shal
be oppressid.
28 Who trosteth in his richessis,
shal falle; ri&yogh;twis men forsothe as
a greene lef shul burioune.
29 Who disturbith
his hous, shal han windis; and he
that is a fool, shal seruen to the wise
man.
30 The frut of the ri&yogh;twise the tree
of lif; and he that vndertaketh soulis, is
a wis man.
31 If the ri&yogh;twise in the erthe
resceyueth, myche more the vnpitous, and
the synnere.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|