Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. X
1 A wys sone gladeth the fader; forsothe
a sone fool, the sorewe is of his
modir.
2 No thing shal profiten the tresores
of vnpitousnesse; ri&yogh;twisnesse forsothe
shal deliuere fro deth.
3 The Lord
shal not tormente thur&yogh; hungir the soule
of the ri&yogh;twise; and the spies of the
vnpitous men he shal turn vpso doun.
4 Nedynesse wercheth the slowe hond; the
hond forsothe of stronge men greitheth
richessis. Who forsothe vseth lesingis,
this fedeth windis; the same folewith
fleende briddes.
5 Who gedereth in rep,
is a wis sone; who forsothe routeth in
somer, is the sone of confusioun.
6 The
blissing of God vpon the hed of the ri&yogh;twis;
the mouth forsothe of vnpitous men
wickidnesse couereth.
7 The mynde of the
ri&yogh;twise with preisingis; and the name
of vnpitous men shal waxe stinkinge.
8 The wise man in herte shal kepen the
hestis; the fool is beten with lippis.
9 Who
goth simpleli, goth trostli; who forsothe
-- --
beshrewith his weies, shal be maad opene.
10 Who twinclith with e&yogh;e, shal &yogh;iue sorewe;
the fool with lippis shal be bete.
11 The veyne of lif the mouth of the ri&yogh;twis;
the mouth forsothe of vnpitous
men couereth wickidnesse.
12 Hate rereth
striues; and alle giltis charite couereth.
13 In the lippis of the wis man is founde
wisdam; and a &yogh;erde in the rigge of hym
that is nedi in herte.
14 Wise men hiden
kunnyng; the mouth forsothe of the fool
is next to confusioun.
15 The substaunce of
the riche man the cite of his strengthe;
the ferd of pore men the nedynesse of
hem.
16 The werc of the ri&yogh;twis man to
lif; the frut forsothe of the vnpitous to
synne.
17 The weie of lif to the kepende
discipline; who forsothe vndernemyngis
forsaketh, erreth.
18 Liende lippis hiden
hate; who speketh wrongful blamyng,
is an vnwis man.
19 In myche speche shal
not lacke synne; who forsothe temperth
his lippis, is most prudent.
20 Chosen siluer
the tunge of the ri&yogh;twis; the herte of
vnpitous men for no&yogh;t.
21 The lippis of the
ri&yogh;twise techen manye; who forsothe ben
vnta&yogh;t, in the nedynesse of herte shul die.
22 The blessing of the Lord maketh riche
men; ne shal be felashipid to them tormenting.
23 As by la&yogh;hing the fool werchith
hidous trespas; wisdam forsothe is to
a man purueing.
24 That that the vnpitouse
dredeth, shal come vpon hym; ther desir
to ri&yogh;twis men shal be &yogh;iue.
25 As tempest
passende, shal be the vnpitouse; the
ri&yogh;twise forsothe as euere durende ground.
26 As eisel to teeth, and smoke to e&yogh;en; so
the slowe to hem that senten hym in the
weie.
27 The drede of the Lord leith to
da&yogh;es; and the &yogh;eris of vnpitous men shul
be shortid.
28 The biding of ri&yogh;twismen
gladnesse; the hope forsothe of vnpitous
men shal pershen.
29 The strengthe of the
simple the weie of the Lord; and ferd
to them that werken euel.
30 The ri&yogh;twis
into withoute ende shal not be moued;
-- --
vnpitouse forsothe shul not dwelle vp on
erthe.
31 The mouth of the ri&yogh;twis shal
bere wisdam; the tunge of shrewis shal
pershen.
32 The lippis of the ri&yogh;twis beholden
plesid thingis; and the mouth of
vnpitouse peruertid thingis.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
