Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
PSALM LXXXII.
1 The song of the salm of Asaf.
2 noteGod, who shal be lic to thee? ne holde
thou thi pes, ne be thou refreyned, God.
3 For loo! thin enemys souneden; and thei
that hateden thee beeren vp the hed.
4 Vp
on thi puple in malice ordeyneden a
counseyl; and tho&yogh;ten a&yogh;en thi seyntis.
5 Thei seiden, Cometh, and scatere wee
them fro the folc; and be no mor remembrid
the name of Irael.
6 For thei tho&yogh;ten
alle of oon inwit; togidere a&yogh;en thee a
7 testament disposiden the tabernaclis of
Ydumees and Ismaelitis. Moab, and Agarienes,
Jebal, and Amon, and Amelech;
8
alienes with the dwelleris of Tyrum.
9 Forsothe Assur cam with them; and
thei ben maad in to helpe to the sones
of Loth.
10 Do to them as to Madian, and
Cisare; as to Jabyn in the strem of Cison.
11 Thei pershiden in Endor; thei ben maad
as the drit of erthe.
12 Put the princis of
hem as Oreb and Zeb; and Zebie and
Zalmana.
13 Alle the princis of hem, that
seiden; Bi eritage welde wee the seintuarie
of God.
14 My God, put hem as a
wheel; and as stobil befor the face of
wind.
15 As fyr that brenneth a wode;
and as flaume togidere brennende hillis.
16 So thou shalt pursue them in thi tempest;
and in thi wrathe thou shalt disturbe
them.
17 Fulfil the facis of hem with
shenshipe; and thei shul seche thi name,
Lord.
18 Waxe they ashamed, and be thei
al disturbid in to the world of world;
and be thei confoundid and pershe.
19 And
knowe thei, for name to thee Lord; thou
onli he&yogh;est in al the erthe.
-- --
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|