Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
PSALM LXXVI.
1 In to the ende, for Iditym, the salm
to Asaf.
2 noteIn my vois to the Lord I criede, in my
vois to God; and he tooc heede to me.
3 In the dai off my tribulacioun God I so&yogh;te
out with myn hondis; the ny&yogh;t forn a&yogh;en
hym, and I am not deseyued. My soule
forsoc to be coumfortid;
4 myndeful I was
of God, and dilitide, and am enhauntid,
and my spirit failide.
5 Myn e&yogh;en looke
`to forn wakingus; I am disturbid, and
I spac not.
6 I tho&yogh;te olde da&yogh;is; and euere
lastende &yogh;eeris in mynde I hadde.
7 And
I sweteli tho&yogh;te in the ny&yogh;t with myn
herte; and I was enhauntid, and `I
swepte my spirit.
8 Whether in to withoute
ende God shal throwe aferr; or he
shall not lei to, that he be more plesid
&yogh;it?
9 Or in to the ende his mercy he shal
-- --
kutte awey; fro ieneracioun in to ieneracioun?
10 Or God shal for&yogh;ete to han merci;
or he shal withholden in his wrathe his
mercies?
11 And I seide, Now I haue begunne;
this chaunging of the ri&yogh;thalf of
the he&yogh;e.
12 I was myndeful of the werkis
of the Lord; for I shal be myndeful fro
the begynnyng of thi merueilis.
13 And I
shal sweteli thenke in alle thi werkis;
and in thi findingis I shal ben enhauntid.
14 God, in the holi thi wey; who gret God
as oure God?
15 thou art God, that dost
merueilis. Knowen thou hast maad in
puplis thi vertu;
16 thou hast a&yogh;een bo&yogh;t in
thin arm thi puple, the sones of Jacob
and of Joseph.
17 Ther han seen thee watris,
God, ther han seen thee watris,
and thei dredden; and disturbid ben the
depnessis.
18 The multitude of the soun of
watris; a vois &yogh;euen the cloudis. Forsothe
thin arwis passeden thur&yogh;;
19 the vois of
thi thunder in a whel. Thi shynyngus
li&yogh;teden to the roundnesse of the erthe;
it is togidere moued; and the erthe togidere
tremblide.
20 In the se thi weye; and
thi sties in manye watris; and thi steppis
shul not be knowen.
21 Thou bro&yogh;tist out
as shep thi puple; in the hond of Moises
and Aaron.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
