Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
PSALM LXXI.
1 In to Salomon.
2 noteGod, thi dom &yogh;if to the king; and thi
ri&yogh;twysnesse to the sone of the king. To
demen thi puple in ri&yogh;twisnesse; and thi
pore men in dom.
3 Vndertake mounteynes
pes to the puple; and the hillis ri&yogh;twisnesse.
4 He shal deme the pore men of
the puple; and saf he shal make the sonus
of pore men; and he shal meke the false
acusere.
5 And he shal abide stille with
the sunne, and befor the mone; in ieneracioun
and in to ieneracioun.
6 He shal
come doun as reyn in to flees; and as
drope falling droppende vp on erthe.
7 In
his da&yogh;is shal springe ri&yogh;twisnesse, and
aboundaunce of pes; to the time that the
mone be don awei.
8 And he shal lordshipen
fro the se vn to the se; and fro
the flod vnto the termes of the roundnesse
of londis.
9 Beforn hym shul falle
doun Ethiopis; and his enemys the erthe
shul licken.
10 The kingis of Tharsis and
ylis shuln offre deserued &yogh;iftys; the kingus
of Arabs and Saba free &yogh;iftis shul bringe
to.
11 And ther shuln honouren hym alle
kingus; alle Jentilis shul serue to hym.
12 For he shal deliuere the pore fro the
my&yogh;ti; and the pore to whom was not
an helpere.
13 He shal spare to the pore,
and to the helpeles; and the soulis of
pore men he shal make saaf.
14 Fro vsuris
and wickidnesse he shal a&yogh;een bie the
soulis of hem; and wrshipeful the name
of hem beforn hym.
15 And he shal lyue,
and ther shal be &yogh;iue to hym of the gold
of Arabie; and thei shul honouren of it,
al day thei shul blisse to hym.
16 Ther shal
be fastnyng in the erthe, in the he&yogh;est
thingis of mounteynes; ther shal ben
aboue hauncyd aboue Liban his fruyt;
-- --
and thei shul floure fro cite, as the hei of
erthe.
17 Be his name blissid in to worldis;
beforn the sunne abit stille his name.
And ther shul be blissid in hym alle the
linagis of erthe; alle Jentilis shul magnefien
hym.
18 Blissid be the Lord God of
Irael; that doth merueilous thingus alone.
19 And blessid be the name of his maieste
in to withoute ende; and ther shal be
fulfild with his maieste al erthe; be it
do, be it do.
20 Ther faileden preisingis, or ympnes
of Dauid, sone of Jesse.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
