Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
PSALM LXI.
1 In to the ende, for Iditym, the salm of
Dauyd.
2 noteWhether not to God soget shal be my
-- --
soule; of hym forsothe myn helthe
&yogh;iuere.
3 Forwhi and he my God, myn
helthe &yogh;iuere, myn vndertakere; I shal
be moued no more.
4 Hou longe &yogh;ee fallen
in to a man? &yogh;ee slen alle &yogh;ee; as to a
boowid woughe, `and to a ston wal put
doun.
5 Neuer the latere my pris thei
tho&yogh;ten to putte behinde, I ran in thrist;
with ther mouth thei blissiden, and with
ther herte cursiden.
6 Neuer the latere to
God soget be thou, my soule; for of
hym my pacience.
7 For lo! my God
and my saueour; myn helpere, I shal
not gon out.
8 In God myn helthe &yogh;iuere,
and my glorie; God of myn helpe, and
myn hope is in God.
9 Hopeth in hym,
eche congregacioun of puple; heeldeth
out beforn hym &yogh;oure hertes, God oure
helpere in to withoute ende.
10 Neuer the
latere veyne the sones of men; lieris the
sones of men in wei&yogh;tis; that thei desceyue,
thei of the vanyte in to itself.
11 Wileth not hopen in wickidnesse, raueynes
wileth not coueite; if richessis `flowe to,
wileth not leyn to the herte.
12 Ones God
spac, these two thingus I herde; for
the power of God is,
13 and to thee, Lord,
mercy; for thou shalt &yogh;elde to eche man
aftir his werkis.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|