Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
PSALM XLVIII.
1 In to the ende, to the sones of Chore,
the salm of Dauyd.
2 noteHereth these thingus, alle Jentilis; with
eris perceyueth, alle that dwellen the
world.
3 Alle &yogh;ee ertheli geten, and the
-- --
sones of men; togidere in to oon, the
riche and the pore.
4 My mouth shal
speken wisdam; and the swete thenking
of myn herte prudence.
5 I shal ful bowe
in to a parable myn ere; I shal opene
in a sauter my proposicioun.
6 Whi shal
I drede in the euel dai? the wickidnesse
of myn heele shal enuyroune me.
7 That
trosten in ther vertu; and in the multitude
of ther richessis glorien.
8 A brother
a&yogh;een-bieth not, shal a man a&yogh;eenbien?
and he shal not &yogh;iue to God wher
of he be plesid.
9 And the pris of the
a&yogh;een-biyng of his soule; and he shal
trauaile in to withoute ende,
10 and liue
&yogh;it `in to the ende.
11 He shal not seen
deth, whan he shal seen wise men
diende; togidere the vnwise and the
fool shul pershe. And thei shul leue to
alienes their richessis;
12 and the sepulcris
of hem the hous of hem withoute ende.
The tabernaclis of hem in progenye and
progenye; thei clepeden ther namys in
ther londis.
13 A man, whan he was in
wrshipe, vnderstood not; he is comparisound
to vnwise bestis, and lic is
maad to them.
14 This weye of hem
sclaunder to them; and aftir in ther
mouth thei shul togidere plese.
15 As shep
in helle thei ben set; and deth shal tognawe
them. And the ri&yogh;twise shul
lordshipen of hem in the morutid; and
the helpe of hem shal waxen old in helle,
of the glorie of hem.
16 Neuerthelatere God
shal a&yogh;een-bie my soule fro the hond of
helle; whan he shal take me to.
17 Ne thou
shalt dreden, whan riche a man shal be
maad; and whan shal be multiplied the
glorie of his hous.
18 For whan he shal
dien, he shal not take alle thingus; ne
shal go doun with hym his glorie.
19 For
his soule in the lif of hym shal be
blessid; he shal knouleche to thee, whan
thou weel dost to hym.
20 He shal gon in
to the progenyes of his fadris; and vnto
-- --
withoute ende he shal not see li&yogh;t.
21 A
man, whan he was in wrshipe, vnderstod
not; he is comparisouned to vnwise bestis,
and lic is maad to hem.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
