Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
PSALM XLIV.
1 In to the ende, for hem that shul ben
with chaungid, to the sones of Chore,
to vndirstondyng, the song for the
loouede.
2 noteMyn herte bowide out a good woord;
I sey my werkis to the king. My tunge
the penne of a scribe, swiftli wrytende.
3 Fair in forme befor the sonus of men,
grace is held out in thi lippis; therfore
blesside thee God in to with oute ende.
4 Be thou gird to with thi swerd; vp on
thin hipe most my&yogh;tili.
5 In thi shap and
thi fairnesse behold; go forth welsumli,
and regne. For treuthe, and debonernesse,
and ri&yogh;twisnesse; and thi ri&yogh;thond
shal merueilously bringe thee thennes.
6 Thin arwis sharpe, puplis vnder thee
shul falle; in to the hertis of the enemys
of the king.
7 Thy sete, God, in to the
world of world; the &yogh;erde of thi gouernyng
-- --
to euenenesse, the &yogh;erde of thi regne.
8 Thou loouedest ri&yogh;twisnesse, and hatedist
wickidnesse; therfore enoyntide thee
God, `thi God, with oile of gladnesse
befor thi felawis.
9 Myrre, and the swote
gumme gutta, and the swote erbe casia,
fro thi clothis, fro the yuer housis; of
10 the whiche deliteden thee the do&yogh;tris
of kingus in thi wrshipe. The queen
stod nee&yogh;h fro thi ri&yogh;t parties in clothing
ouergilt; enuyround with dyuersete.
11 Here, do&yogh;ter, and see, and inbowe thin
ere; and for&yogh;et thi puple, and the hous
of thi fader.
12 And the king shal coueite
thi fairnesse; for he is the Lord thi God,
and thei shul honouren hym.
13 And the
do&yogh;tris of Tiri in &yogh;iftis; thi chere shul
louli pre&yogh;e alle the riche men of the
folc.
14 Al the glorie of hym of the do&yogh;ter
of the king fro with inne, in goldene
hemmes;
15 aboute wrappid with diuersetees.
Ther shul ben bro&yogh;t to the king
maidenes aftir hir; the ne&yogh;heboris of
hir shul be bro&yogh;t to thee.
16 Thei shul be
bro&yogh;te in gladnesse, and ful out io&yogh;ing;
thei shul be lad to in to the temple of
the king.
17 For thi fadris ben born to
thee sones; thou shalt sette them princis
vp on al erthe.
18 Myndeful thei shul ben
of thi name, Lord; in alle ieneracioun,
and in to ieneracioun. Therfor puplis
shul knoulechen to thee in to with oute
ende; and in to the world of world.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|