Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
PSALM XXX.
1 In to the ende, the salm of Dauid, `for
the ecces of mynde.
2 noteIn thee, Lord, I hopide; I shal not be
confoundid in to withoute ende; in thi
ri&yogh;twisnesse deliuere me.
3 Bowe to me
thin ere; hee&yogh;e that thou delyuere me.
Be thou to me in to God a defendere;
and in to an hous of refut, that thou
make me saf.
4 For my strengthe and my
refut thou art; and for thi name thou
shal ful out lede me, and ful out nurshe
me.
5 Thou shalt ful out lede me fro this
grene, that thei hidden to me; for thou
art my defendere.
6 In to thin hondis I
take my spirit; thou bo&yogh;tist me, Lord
God of treuthe.
7 Thou hatedist aboute
waiteris, vanytes ouer veynliche.
8 I forsothe
in the Lord hopide; ful out I shal
io&yogh;en, and gladen in thi mercy. For thou
hast beholde my mecnesse; and sauedest
fro nedis my soule.
9 And thou closedest
not me in the hondis of the enemy; thou
hast sett in large place my feet.
10 Haue
mercy of me, Lord, for I am trublid; disturbid
is in wrathe myn e&yogh;e, my soule,
and my wombe.
11 For in sorewe hath
failid my lif; and my &yogh;eris in weilingus.
Enfeblid is in porenesse my vertue; and
my bones ben disturbid.
12 Ouer alle myn
enemys I am maad repref, and to my
ne&yogh;hebores gretli; and drede to my
knowen. That se&yogh;en me, outfloun fro
me;
13 to for&yogh;eting I am &yogh;iue, as a dead
man fro herte. I am maad as a vessel
lost;
14 for I herde blamyng of manye
duellende in enuyroun. In that whyl
thei shulde come togidere a&yogh;en me; to
take my soule thei counseileden.
15 I forsothe
in thee hopide, Lord, I seide, My
God thou art;
16 in thin hondys my lottis.
Tac me out fro the hondis of myn enemys;
and fro men pursuende me.
17 Li&yogh;tne
thi face vp on thi seruaunt, mac me saaf
-- --
in thi mercy;
18 Lord, I shal not be confoundid,
for I inwardli clepide thee. Vnpitous
men shame thei, and be thei bro&yogh;t
doun in to helle;
19 doumbe be thei made,
treccherous lippis. That speken a&yogh;en the
ri&yogh;twis wickidnesse; in pride, and in abusioun.
20 Hou gret the multitude of thi
swetnesse, Lord; that thou hiddest to men
dredende thee. Thou performedist to hem,
that hopen in thee; in the si&yogh;te of the
sones of men.
21 Thou shalt hide them in
the hid place of thi face; fro the disturbing
of men. Thou shalt defende them
in thi tabernacle; fro the a&yogh;enseiyng of
tungis.
22 Blessid the Lord, for he made
merueilous his mercy to me; in a strengthid
cite.
23 I forsothe seide in exces of my
mynde; I am cast aferr fro the face of
thin e&yogh;en. Therfore thou ful out herdist
the vois of myn orisoun; whil I shulde
crie to thee.
24 Looueth the Lord, alle &yogh;ee
the seintus of hym; for the Lord shal
a&yogh;een seche the treuthe, and &yogh;elde plenteously
to men doende pride.
25 Manli
doth, and be counfortid &yogh;oure herte; alle
&yogh;ee that hope in the Lord.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|