Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
PSALM XXIX.
1 The salm of the song, in the dedicacioun
of the hous of Dauyd.
2 noteI shal enhaunce thee, Lord, for thou
vndertoke me; and thou hast not delitid
myn enemys vpon me.
3 Lord, my God,
I criede to thee; and thou hast helid me.
4 Lord, thou bro&yogh;tist out of helle my soule;
thou sauedist me fro men fallende doun
in to the lake.
5 Doth salmus to the Lord,
&yogh;ee halewis of hym; and knoulecheth to
the mynde of his holynesse.
6 For ire in
the indignacioun of hym; and lif in his
wil. At the euetid longe shal abide
weping; and at the morutid glading.
7 I
forsothe seide in myn abundaunce; I shal
not be moued in to with oute ende.
8 Lord,
in thi wil; thou &yogh;eue to my fairnesse vertue.
Thou turnedist awei thi face fro me;
and I am maad disturbid.
9 To thee, Lord,
I shal crie; and to my God I shal lowly
pre&yogh;e.
10 What profit in my blod; whil I go
doun in to corupcioun? Whethir pouder
shal knouleche to thee; or tellen out thi
treuthe?
11 The Lord herde, and rewede of
me; the Lord maad is myn helpere.
12 Thou
turnedist my weiling in to io&yogh;e to me;
thou to-heewe my sac, and enuiroundest
me with gladnesse.
13 That to thee singe
my glorie, and I shal not be pungid;
Lord my God, in to withouten ende I
shal knouleche to thee.
-- --
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|