Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
PSALM CXXXVIII.
In to the ende, the salm of Dauid.
1 noteLord, thou hast proued me, and knowen
me;
2 thou hast knowe my sitting, and
myn a&yogh;een rising.
3 Thou vnderstode my
-- --
tho&yogh;tis fro aferr; my path and my litle
corde thou enserchedist.
4 And alle my
weies thou beforn se&yogh;e; for ther is not
woord in my tunge.
5 Lo! Lord, thou
hast knowen alle thingis, newest and
olde; thou hast formed me, and put vp
on me thin hond.
6 Merueilous is maad
thy kunnyng of me; it is coumfortid, and
I shal not moun to it.
7 Whidir shal I
go fro thi spirit; and whidur fro thi
face shal I flee?
8 If I shul ste&yogh;en vp in
to heuene, thou art there; if I shul go
doun in to helle, thou art at.
9 If I shul
take my pennys in the morutid; and shul
dwelle in the vtmostis of the se.
10 Forsothe
thider thin hond shal bringe me;
and shal holde me thi ri&yogh;t hond.
11 And I
seide, Parauenture dercnessis shul totrede
me; and ny&yogh;t my li&yogh;ting in my
delicis.
12 For dercnesses shul not ben
derkid fro thee, and ny&yogh;t as day shal ben
li&yogh;tid; as his dercnessis, so and the li&yogh;t of
it.
13 For thou weldedest my reenes; thou
hast vndertake me fro the wombe of my
moder.
14 I shal knouleche to thee, for
ferfulli thou art magnefied; merueilous
thi werkis; and my soule shal knouleche
ful myche.
15 My mouth is not hid fro
thee, the whiche thou madest in priue;
and my substaunce is in the nethermoris
of the erthe.
16 Myn vnparfit thing se&yogh;en
thin e&yogh;en, and in thi boc alle shul be
writen; da&yogh;es shul be formed, and no
man in hem.
17 To me forsothe ful myche
ben maad wrshipeful thi frendis, God;
ful myche is counfortid the princehed of
hem.
18 I shal noumbre them atwynne,
and vpon grauel thei shul be multeplied;
I haue risen out, and &yogh;it I am with thee.
19 God, for thou shalt sle synneres; &yogh;ee men
of blodis, bowith doun fro me.
20 For &yogh;ee
seyn in tho&yogh;t; Take thei in vanyte ther
citees.
21 Whethir not thoo that hateden
thee, Lord, I hatede; and vp on thin
enemys I dwynede?
22 With parfyt hate
-- --
I hatede hem; enemys thei ben maad to
me.
23 Proue me, God, and wite thou
myn herte; aske thou me, and knowe
thou my pathis.
24 And see, if the weie of
wickidnesse is in me; and bring me
thennes in the euere lastende weie.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
