1    ^noteBlisful the vndefoulid in the weie; that gon in the lawe of the Lord. 2   Blisful that enserche the witnessingus of hym; in al the herte ful out sechen hym. 3   Forsothe not thei that wirken wickidnesse; in the weies of hym &yogh;iden. 4   Thou hast comaundid; thin hestis to be kept ful myche. 5   Wolde God weren dressid my weies; to be kept thi iustifiyngus. 6   Thanne I shal not be confoundid; whan I shal parfitli loken in alle thin hestis.

7   I shal knouleche to thee in ri&yogh;t reuling of herte; in that that I haue lerned the domes of thi ri&yogh;twisnesse. 8   Thi justifiyngis I shal kepe; ne forsake thou me on alle sydys. Beth.

9    ^noteIn what amendith the &yogh;unge man more waxen his weye? in keping thi woordis. 10   In al myn herte I ful out so&yogh;te thee; ne poote thou me abac fro thin hestis. 11   In myn herte I hidde thi spechis; that I synne not to thee. 12   Blissid thou art, Lord; teche me thi iustifiyngus. 13   In my lippis I tolde forth; alle the domes of thin mouth. 14   In the weie of thi witnessingis I delitide; as in alle richesses. 15   In thin hestys I shal ben enhauntid; and I shal beholde thi weies. 16   In thi iustefiyngus I shal sweteli thenken; and I shal not for&yogh;ete thi woordis. Gimel.

17    ^note&YOGH;eld to thi seruaunt; quikene thou me, and I shal kepe thi woordis. 18   Opene myn e&yogh;en; and I shal beholde the merueilis of thi lawe. 19   A comeling wonere I am in the erthe; ne hide thou fro me thin hestis. 20   My soule coueitide to desire thi iustefiyngus; in alle tyme. 21   Thou blamedist proude men; cursid ben thei, that bowen doun fro thi maundementis. 22   Do awei fro me repref and dispising; for thi witnessingus I ful out so&yogh;te. 23   Forsothe ther seten princis, and a&yogh;en me thei speeken; thi seruaunt forsothe was enhauntid in thi iustefiyngus. 24   For and thi witnessingus is my swete thenking; and my counseil thi iustefiyngus. Deleth.

25    ^noteMyn soule cleuede to the pament; quykene thou me aftir thi woord. 26   My weies I tolde out, and thou ful out herdest me; teche me thi iustefiyngis. 27   The weie of thi iustefiyngus enforme thou me; and I shal ben enhauntid in thi merueilis.

28   My soule nappide for no&yogh;e; conferme thou me in thi woordis. 29   The weie of wickidnesse moue thou awey fro me; and in thi lawe haue mercy of me. 30   The weie of treuthe I ches; thi domes I haue not for&yogh;eten. 31   I cleuede to thi witnessingus, Lord; wile thou not me confounden. 32   The weie of thin hestis I ran; whan thou spreddest abrod myn herte. He.

33    ^noteLawe set thou to me, Lord, the weie of thi iustefiyngus; and I shal seche out it euermor. 34   &YOGH;if to me vndirstonding, and I shal enserche thi lawe; and I shal kepen it in al myn herte. 35   Bring out me in the sty of thin hestis; for it I wolde. 36   Bowe in myn herte in to thi witnessyngus; and not in to coueitise. 37   Turne awei myn e&yogh;en, lest thei see vanytee; in thi weie quykene thou me. 38   Sett to thi seruaunt thi speche; in thi drede. 39   Kut of my repref, that I ouertrowide; for thi domys io&yogh;eful. 40   Lo! I haue coueitid thin hestis; in thin equite quykene thou me. Vau.

41    ^noteAnd thi mercy come vp on me, Lord; thin helthe &yogh;iuere after thi speche. 42   And I shal answere to the repreuende me a woord; for I hopide in thi sermounes. 43   And ne take thou awei fro my mouth a woord of truthe on eche side; for in thi domes I ouer hopide. 44   And I shal kepe thi lawe euermor; in to the world, and in to the world of world. 45   And I &yogh;ide in breede; and thin hestis I out so&yogh;te. 46   And I spac in thi witnessingus in the si&yogh;te of kingus; and I was not confoundid. 47   And I sweteli tho&yogh;te in thin hestis; that I loouede. 48   And I rerede myn hondis to thin hestis, that I loouede; and I shal ben enhauntid in thi iustefiyngis. Zai.

49    ^noteMyndeful be thou of thi woord to thi

seruaunt; in whiche to me hope thou hast &yogh;iuen. 50   This coumfortide me in my mecnesse; for thi speche quykenede me. 51   Proude men wickidli deden on eche side; fro thi lawe forsothe I bowide not doun. 52   Myndeful I was of thi domes fro the world, Lord; and I am coumfortid. 53   Failing heeld me; for the synneres forsakende thi lawe. 54   Chauntable weren to me thi iustefiyngus; in the place of my pilgrimaging. 55   Myndeful I was the ny&yogh;t of thi name, Lord; and I kepte thi lawe. 56   This is do to me; for thi iustefiyngis I out so&yogh;te. Heth.

57    ^noteMy porcioun thou, Lord; I seide to kepe thi lawe. 58   I louli pre&yogh;ede thi face in al myn herte; haue mercy of me aftir thi speche. 59   I tho&yogh;te my weies; and al turnede my feet in to thi witnessingus. 60   I am redi, and am not disturbid; that I kepe thin hestys. 61   The cordis of synneres ben wounden aboute me; and thi lawe I haue not for&yogh;ete. 62   At myd ny&yogh;t I ros to knouleche to thee; vp on the domes of thi iustefiyng. 63   Parcener I am of alle men dredende thee; and of kepende thin hestis. 64   Of thi mercy, Lord, ful is the erthe; thi iustefiyngus teche thou me. Teth.

65    ^noteGoodnesse thou hast do to thi seruaunt, Lord; aftir thi woord. 66   Goodnesse, and discipline, and kunnyng tech thou me; for in thin hestys I leeuede. 67   Beforn that I was mekid, I trespaside; therfore thi speche I kepte. 68   Good art thou; and in thi goodnesse tech me thi iustefiyngis. 69   Multeplied is vp on me the wickidnesse of proude men; I forsothe in al myn herte shal enserche thin hestis. 70   Cruddid is as mylc the herte of hem; I forsothe thi lawe sweteli tho&yogh;te. 71   Good is to me, for thou hast mekid me; that I lerne thi iustefiyngus. 72   Good is to me the lawe of

thi mouth; vp on thousendis of gold and of siluer. Joth.

73    ^noteThin hondus maden me, and formeden me; &yogh;if to me vnderstonding, that I lerne thin hestis. 74   That dreden thee shul see me, and gladen; for in thi wordis I ouerhopide. 75   I knew&yogh;, Lord, for equite thi domes; and in thi treuthe thou hast mekid me. 76   Be don thi mercy, that it coumforte me; after thi speche to thi seruaunt. 77   Come to me thi mercy doingus, and I shal liue; for thi lawe is my swete thenking. 78   Proude men be thei confoundid, for vnri&yogh;twisli wickidnesse thei diden a&yogh;en me; I forsothe shal ben enhauntid in thin hestis. 79   The men dredende thee be thei al turned to me; and tho that knewe thi wytnessingus. 80   Be maad myn herte vndefoulyd in thi iustefiyngis; that I be not confoundid. Caf.

81    ^noteMy soule failide in to thin helthe &yogh;iuere; and in to thi woord I ouerhopede. 82   Myn e&yogh;en faileden in to thin speche; seiende, Whanne shalt thou coumforte me? 83   For I am maad as a botel in hor frost; thi iustefiyngus I haue not for&yogh;ete. 84   Hou fele ben the da&yogh;is of thi seruaunt; whanne shalt thou do of the pursuende me dom? 85   Wicke men tolden to me talingus; but not as thi lawe. 86   Alle thin maundemens treuthe; wicke men pursueden me, help thou me. 87   A litel lasse thei wasteden me in the erthe; I forsothe forsoc not thin hestis. 88   After thi mercy quikene thou me; and I shal kepe the witnessingis of thi mouth. Lameth.

89    ^noteIn to withoute ende, Lord; thi woord abit stille in heuene. 90   In ieneracioun and to ieneracioun thi treuthe; thou foundedist the erthe, and it abit stille. 91   In thin ordynaunce abit the day; for alle thingus seruen to thee. 92   But that thi

lawe is my swete thenking; thanne parauenture I hadde pershid in my mecnesse. 93   In to withouten ende I shal not for&yogh;ete thi iustefiyngis; for in hem thou hast quykened me. 94   Thin I am, mac me saf; for thi iustefiyngis I haue out so&yogh;t. 95   Me abiden synneres, that thei shulden destrie me; thi witnessyngus I vnderstod. 96   Of alle ending I sa&yogh; the ende; brod thin heste ful myche. Men.

97    ^noteWhat maner I loouede thi lawe, Lord; al dai my swete thenking it is. 98   Vp on myn enemys prudent thou madist me with thin heste; for in to withoute ende it is to me. 99   Vp on alle techende me I vnderstod; for thi witnessyngis is my swete thenking. 100   Ouer olde men I vnderstod; for thin hestis I so&yogh;te. 101   Fro alle euel weie I forfendede my feet; that I kepe thi woordus. 102   Fro thi domes I bowide not doun; for lawe thou hast put to me. 103   Hou swete to myn chekis thi spechis; ouer hony to my mouth. 104   Of thin hestis I vnderstod; therfore I hatide eche weie of wickidnesse. Nun.

105    ^noteLanterne to my feet thi woord; and li&yogh;t to myn pathis. 106   I swoor; and sette to kepe the domes of thi ri&yogh;twisnesse. 107   I am mekid on alle side; Lord, quykene thou me aftir thi woord. 108   The wilful thingus of my mouth wel plesing mac thou, Lord; and thi domys tech me. 109   My soule in myn hondis euermor; and thi lawe I haue not for&yogh;eten. 110   Synneres setteden a grene to me; and fro thin hestis I errede not. 111   Bi eritage I purchaside thi witnessingus in to withoute ende; for the ful out io&yogh;ing of myn herte thei ben. 112   I bowede in myn herte to ben don thi iustefiyngis; in to withoute ende for &yogh;elding. Sameth.

113    ^noteWicke men to hate I hadde; and thi lawe I loouede. 114   Helpere, and myn vndertakere

thou art; and in to thi woord I hopide ouer. 115   Boweth doun fro mee, &yogh;ee malice doeris; and I shal serche the hestis of my God. 116   Vndertac me aftir thi speche, and I shal liue; and confounde thou not me fro myn abiding. 117   Help me, and I shal ben saaf; and I shal sweteli thenken in thi iustefiyngis euermor. 118   Thou hast despisid alle men goende doun fro thi domes; for vnri&yogh;twis the thenking of hem. 119   Trespasende I heeld alle the synneres of erthe; therfore I loouede thi witnessingis. 120   Pricke with thi drede my flesh; forsothe fro thi domes I dradde. Ayn.

121    ^noteI dide dom and ri&yogh;twisnesse; tac thou nott me to the akusende me. 122   Vndertac thi seruaunt in to good; chalenge me not the proude. 123   Myn e&yogh;en faileden in to thin helthe &yogh;iuere; and in to the speche of thi ri&yogh;twisnesse. 124   Do with thi seruaunt after thi mercy; and thi iustefiyngis teche thou me. 125   Thi seruaunt I am; &yogh;if to me vnderstonding, that I wite thi witnessingis. 126   Time of doing, Lord; thei han scatered thi lawe. 127   Therfore I loouede thin hestis; ouer gold and topasion. 128   Therfore to alle thin hestis I was ri&yogh;tforth reulyd; alle wicke weie to hate I hadde. Phee.

129    ^noteMerueilous thi witnessingis, Lord; therfore serchede them my soule. 130   The declaring of thi woordis li&yogh;tneth; vnderstonding &yogh;iueth to litle childer. 131   My mouth I openede, and I dro&yogh; to a spirit; for thin hestis I desirede. 132   Behold in me, and have mercy of me; after the dom of men loouende thi name. 133   My goingus forth ri&yogh;t reule thou after thi speche; that ther lordshipe not of me alle vnri&yogh;twisnesse. 134   A&yogh;een bie me fro the chalengis of men; that I kepe thin hestis. 135   Thi face li&yogh;tne thou vp on thi seruaunt; and

tech me thi iustefiyngis. 136   Issues of watris bro&yogh;ten out myn e&yogh;en; for thei kepten not thi lawe. Sade.

137    ^noteRi&yogh;twis thou art, Lord; and ri&yogh;t is thi dom. 138   Thou hast comaundid ri&yogh;twisnesse, thi witnessingus; and thi treuthe ful myche. 139   My looue made me to dwyne; for myn enemys han for&yogh;ete thi woordis. 140   Fyrid is thi speche hugeli; and thi seruaunt loouede it. 141   A &yogh;ung waxen man I am, and dispisid; thi iustefiyngis I haue not for&yogh;ete. 142   Thi ri&yogh;twisnesse, Lord, ri&yogh;twisnesse in to withoute ende; and thi lawe treuthe. 143   Tribulacioun and anguish founden me; thin hestis is my swete thenking. 144   Equite thi witnessingus in to withoute ende; vnderstonding &yogh;if thou to me, and I shal liue. Cof.

145    ^noteI criede in al myn herte, full out here me, Lord; thi iustefiyngus I shal a&yogh;een seche. 146   I criede to thee, mac me saf; that I kepe thin hestis. 147   I cam beforn in cesounable time of werking, and I criede; in to thi woordis I ouer hopede. 148   Myn e&yogh;en camen beforn to thee the morutid; that I shulde sweteli thenke thi spechis. 149   My vois here thou aftir thi mercy, Lord; and aftir thi dom quykene thou me. 150   Ther ne&yogh;heden the pursuende me to wickidnesse; fro thi lawe ferr thei ben maad forsothe. 151   Nee&yogh;h thou art, Lord; and alle thi weies treuthe. 152   Fro the bigynnyng I knew&yogh; of thi witnessingys; for in to withoute ende thou foundedest hem. Res.

153    ^noteSee my mecnesse, and tac me out; for thi lawe I haue not for&yogh;ete. 154   Deme thou my dom, and a&yogh;een bie thou me; for thi speche quikene thou me. 155   Ferr fro syneres helthe; for thi iustefiyngus thei out so&yogh;ten not. 156   Thi mercies manye, Lord; and aftir thi dom quikene thou

me. 157   Manye that pursuen me, and trublen me; fro thi witnessingis I bowede not doun. 158   I sa&yogh; lawe brekeris, and I dwynede awei; for thei kepten not thi spechis. 159   See, for thi hestis I loouede, Lord; in thi mercy quikene thou me. 160   The begynnyng of thi woordis treuthe; into withoute ende alle the domes of thi ri&yogh;twisnesse. Sin.

161    ^notePrincis pursueden me with oute cause; and of thi woordis dradde myn herte. 162   I shal gladen vpon thine spechis; as he that findeth manye spoilis. 163   Wickidnesse to hate I hadde, and wlatide; thi lawe forsothe I loouede. 164   Seuen sithes in the dai preising I seide to thee; vp on the domys of thi ri&yogh;twisnesse. 165   Myche pes to the loouende thi lawe; and ther is not to them sclaundre. 166   I bod thin helthe &yogh;iuere, Lord; and thin hestis I loouede. 167   My soule kepte thy witnessingus; and loouede them hugeli. 168   I kepte thin hestis, and thi witnessingis; for alle my weies in thi sy&yogh;t. Tau.

169    ^noteNe&yogh;he my lowe pre&yogh;ing in thi si&yogh;te, Lord; aftir thi speche &yogh;if to me vnderstonding. 170   Entre myn asking in thin sighte; aftir thi speche deliuere me. 171   My lippis shuln tellen out an impne; whan thou shalt teche me thi iustefiyngus. 172   My tunge shal telle forth thi speche; for alle thi maundemens equyte. 173   Be maad thin hond, that it saue me; for thi maundemens I ches. 174   I coueitide thin helthe &yogh;iuere, Lord; and thi lawe is my sweete thenking. 175   Liue my soule, and it shal preise thee; and thi domys shul helpe me. 176   I errede as a shep that pershede; seche thi seruaunt, Lord, for thin hestis I haue not for&yogh;eten.

Previous section

Next section