Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. VI.
1 Thanne Salomon seith, The Lord behi&yogh;te,
that he schulde dwellen in the
dirkenesse;
2 I forsothe haue bilde up an
hous to the name of hym, that he schulde
dwellen there in to with oute eende.
3 And
the kyng turnede his face, and blesside
to al the multitude of Israel; for why al
the puple stood, inwardly takynge heede;
and he seith,
4 Blessed the Lord God of
Yrael, for that he spake to Dauid, my
fadir, in deede he hath fulfillide, seyinge,
5 Fro the day that I ladde my puple
fro the lond of Egipt, I chees not a cytee
of alle the lynagis of Yrael, that there
schulde be bilde up in it an hous to my
name, ne eny othere man I chees, that he
were duyke vpon my puple Yrael;
6 bot I
chees Jerusalem, that my name be in it,
and I chees Dauid, that I ordeyn hym
vpon my puple Yrael.
7 And whanne it
was of the wille of Dauid, my fadir, that
he bilde an hous to the name of the Lord
God of Yrael,
8 the Lord seid to hym, For
this was thi wille, that thou schuldist
bylden an hous to my name, forsothe
thou didyst wele, hauynge such a maner
wille,
9 bot thou schalt not bylden vp an
hous to me; neuerthelater the sone, that
gooth out of thi reynes, he schal bylden
up an hous to my name.
10 Thanne the
Lord fulfillide his word, that he hadde
spoken; and I roos for Dauid, my fadir,
and sat vpon the trone of Ysrael, as the
Lord spac, and bilde up an hous to the
name of the Lord God of Yrael;
11 and
putte in it the arke, in the whiche is the
couenaunt of the Lord, that he couenauntide
with the sonis of Yrael.
12 Thanne
he stode before the auter of the Lord forn
a&yogh;eynst of al the multitude of Yrael, and
strau&yogh;t out his hondis.
13 Forsothe Salomon
hadde maad the brasyn stondynge,
-- --
and hadde putte it in the mydil of the
grete hous, hauynge fyue cubitis of
lengthe, and fyue of brede, and thre cubitis
of hei&yogh;t, and he stode vpon it; and
theraftir the knees bowed a&yogh;einus al the
multitude of Yrael, and the hondis in to
heuen rered,
14 seith, Lord God of Yrael,
ther is not lijc thee, God in heuen and
in erth, `the whiche kepist couenaunt
and mercy with thi seruauntis, that goon
before thee in al their herte;
15 the whiche
hast &yogh;euen to Dauid thi seruaunt, my fadir,
whateuer thingis thou haddist spoken
to hym, and that with mouthe thou byheetist,
in deed thou hast fulfylde, as
and the present tyme preueth.
16 Now
thanne, Lord God of Yrael, fulfille to
thi seruaunt my fadir Dauid, whateuer
thingis thou hast spoken, seyinge, Ther
schal not faylen of thee a man beforn
me, that sytt vpon the trone of Yrael; so
neuer the later &yogh;if thi sonis kepen my
weies, and goon in my lawe, as and thou
wentist before me.
17 And nowe, Lord God
of Yrael, be fastned thi word, that thou
speke to thi seruaunt Dauid.
18 Thanne
whethir leeuable it be, that the Lord
dwelle with men vpon erth? &YOGH;if heuen
and heuens of heuens thee taken not,
how myche more this hous, that I haue
bylde?
19 Bot to this oonly it is maad, that
thou beholde the orisoun of thi seruaunt,
and his bisechynge, Lord my God, and
thou here the preyers, that thi seruaunt
heldith out before thee;
20 that thou opene
thi ee&yogh;en vpon this hows dais and ny&yogh;tis,
vpon the place in the whiche thou hast
behoten, that thy name schulde be inwardly
clepid,
21 and thou schuldist heeren
the orisoun, that thi seruaunt preieth in
it. Heere thou the preyers of thi seruaunt,
and of thi puple Yrael; who so
-- --
euer preye in this place, here fro thi
dwellynge place, that is fro heuens, and
be thou maad plesed.
22 &YOGH;if eny man synne
in to his nei&yogh;bour, and redi comme to
sweren a&yogh;einus hym, and by curse bynde
hym before the auter in this hous,
23 thou
schalt heeren fro heuen, and thou schalt
do dome of thi seruauntis; so that thou
&yogh;elde to the wickide his weie in to his
owne heued, and venge the ri&yogh;twijs, and
&yogh;eldynge to hym aftir his ri&yogh;twisnesse.
24 &YOGH;if thi puple Yrael were ouercomen of
enmyes, forsothe thei schul synnen to
thee, and turned done penaunce, and
besechen thi name, and preyen in this
place,
25 thou schalt heeren fro heuen, and
haue thou mercy to the synne of thi puple
Yrael, and brynge hem a&yogh;ein in to
the lond, that thou &yogh;eue to hem, and to
their fadirs.
26 &YOGH;if, heuen closed, reyn flowe
not for synne of thi puple, and thei
preyen thee in this place, and knowlechen
to thi name, and turned fro their
synnes, whanne hem thou tormentist,
here,
27 Lord, fro heuen, and for&yogh;eue the
synnes to thi seruauntis, and to thi puple
Yrael, and teche hem a good wei, by
the whiche thei goon in, and &yogh;eue reyn
to the erth, that thou hast &yogh;euen to thi
puple to weelden.
28 &YOGH;if hunger were
sprungyn in the lond, and pestilence,
and rust, and weder rootynge tilth, and
locust, and werm, and enmyes, the regyouns
wasted, beseegen the &yogh;atis of the
cytee, and alle veniaunce and infirmyte
thrist doun;
29 &yogh;if any of thi puple Irael
preye, knowynge the veniaunce, and his
infirmyte, stretche out his hondis in this
hous,
30 thou schalt heeren fro heuen, that
is, fro thin hee&yogh; dwellynge place, and be
thou plesed, and &yogh;eeld to eche man aftir
-- --
his weies, the whiche thou hast knowen
hym to han in his hert; thou forsothe
aloone hast knowen the hertis of the
sonis of men;
31 that thei dreeden thee, and
goon in thi weies alle days, `the whiche
thei lyuen vpon the face of the erth,
that thou hast &yogh;euen to oure fadirs.
32 A
straunger also that is not of thy puple
Yrael, &yogh;if he come fro a ferre lond for
thi grete name, and for thi strong hond,
and for thi strau&yogh;t out arme, and honour
in this place,
33 thou schalt heeren fro heuen,
thi most fast place; and thou schalt
don alle thingis, for the whiche that pilgryme
inwardly clepith thee, that alle
puplis of erth knowen thi name, and
dreeden thee, as thi puple Yrael; and
knowen thei, for thi name is inwardly
clepide vpon this hous, that I haue bilde
to thi name.
34 &YOGH;if thi puple weren goon
out to bataile a&yogh;einus ther aduersaries, by
the weye in to the whiche thou sentist
hem, thei schuln honouren thee a&yogh;einus
the weye in the whiche is the cytee
that thou hast chosen, and the hous that
I haue bylde to thi name,
35 that thou here
fro heuen the preyers of hem and the
besechynge, and thou do veniaunce.
36 &YOGH;if
forsothe thei synnen to thee, and forsothe
ther is no man that synneth not, and
thou were wroth to hem, and takist hem
to the enmyes; and caytijf thei leeden
hem in to a ferre lond, or certis that is
ni&yogh;;
37 and turned in al their herte in the
lond, to the whiche thei weren ladde
caytijf, done penaunce, and preyen thee
in the lond of their caytijfte, seyinge,
We han synned, wickidly we han
wrou&yogh;t, vnri&yogh;twisely we han done;
38 and
weren torned to thee in al their herte,
and in al their soule, in the lond of their
-- --
caytyfte, to the whiche thei ben lad, thei
schuln honouren thee a&yogh;einus the weie of
their lond, that thou hast &yogh;euen to their
fadirs, and of the cytee that thou hast
chosen, and of the hous that I haue bilde
to thi name;
39 that thou heere fro heuen,
that is, fro thi fast dwellynge place, the
preyers of hem, and do dome, and for&yogh;yue
to thi puple, thof synful;
40 thou ert
forsothe my God; I biseche, thin ee&yogh;en
ben opened, and thin eeris ben takynge
heed to the orisoun that is don in this
place.
41 Nowe thanne, Lord God, arijs
in to thi rest, thou and the ark of thi
strength; thi prestis, Lord God, ben
clothed helth, and thin halowes glaaden
thei in goodes.
42 Lord God, ne turne thou
awey the face of thi crist; haue mynde
of the mercyes of Dauid thi seruaunt.
1 And whanne Salomon hadde fulfilde
heeldynge out preyers, fijr came doun
fro heuen, and deuoured the brent sacrifices,
and the slayn offrynges; and the
mageste of the Lord fulfilde the hous.
2 And the prestis my&yogh;ten not goon in to
the temple of the Lord; forthi that the
mageste of the Lord hadde fulfilde the
temple of the Lord.
3 Bot and alle the
sonis of Ysrael sawen fijr goyng doun,
and the glorie of the Lord vpon the hous,
and fallynge doun bowed in to the erth
vpon the pament paued with stoon, honourden,
and preyseden the Lord, For
`he is good, for in to the world the
mercy of hym.
4 The kyng forsothe, and
al the puple offreden slayn offryngis beforn
the Lord.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|